• beta

Асосий воситаларнинг чиқиб кетишидан кўрилган зарарлар

03.12.2019

Асосий воситаларнинг чиқиб кетишидан кўрилган молиявий натижани қуйидагича аниқланг   : 

Чиқиб кетишдан кўрилган молиявий натижа = Чиқиб кетишдан кўрилган даромад – Қолдиқ (баланс) қиймат – ҚҚС – Реализация қилиш харажатлари + Қайта баҳолаш сальдоси.

Салбий натижани (зарарни) бошқа операцион харажатларга киритинг. Улар чегирилмайдиган харажатлар ҳисобланади, қуйидагилардан кўрилган зарарлар бундан мустасно  : 

  • Президент ёки Ҳукуматнинг қарори асосида мол-мулкни бепул топширишдан;
  • телекоммуникациялар тармоқларида тезкор-қидирув тадбирлари тизимининг техник воситаларини бепул топширишдан ҳамда улардан бепул фойдаланиш ва уларга хизмат кўрсатишдан;
  • 3 йилдан ортиқ фойдаланилган АВни реализация қилишдан.

АВнинг чиқиб кетишидан кўрилган чегирилмайдиган зарарларни Фойда солиғи ҳисоб-китобига 2-илованинг 130-сатрида акс эттиринг.

Эътибор беринг
АВни реализация қилишдан кўрилган зарарни Фойда солиғи ҳисоб-китобининг 020-сатрида акс эттириладиган товарларни (ишларни, хизматларни) таннархидан паст нархда реализация қилишдан ва бепул топширишдан кўрилган зарар билан чалкаштирманг

Мисол. Автомобилни реализация қилишдан кўрилган зарарни ҳисобга олиш

Корхона автомобилни 9 200 минг сўмга реализация қилмоқда, шу жумладан ҚҚС – 1 200 минг сўм. Унинг баланс қиймати – 15 000 минг сўм, эскириш – 5 000 минг сўм, жамғарилган қайта баҳолаш – 700 минг сўм. Автомобилдан 3 йилдан кам фойдаланилган.

Автомобилнинг қолдиқ қиймати: 15 000 – 5 000 = 10 000 минг сўм.

Реализация қилиш қиймати – 8 000 минг сўм – қолдиқ қийматдан паст, шу сабабли ҚҚСни қолдиқ қийматдан аниқлаймиз :

10 000 х 15% = 1 500 минг сўм.

Яъни 300 минг сўм (1 500 – 1 200) ҚҚС қўшимча ҳисобланиши зарур. 

Автомобилни реализация қилишдан кўрилган молиявий натижа:

9 200 – (15 000 – 5 000) – 1 500 + 700 = –1 600 минг сўм.

Автомобилдан 3 йилдан кам фойдаланилганлиги сабабли реализация қилишдан кўрилган зарарни чегирилмайдиган харажатларга киритамиз ва Фойда солиғи ҳисоб-китобига 2-илованинг 130-сатрида акс эттирамиз.

Бухгалтерия ҳисоби:

Т/р

Операция

Сумма,

минг сўмда

Дебет

Кредит

1

Автомобилнинг баланс қиймати ҳисобдан чиқарилди

15 000

9210-«Асосий воситаларнинг чиқиб кетиши»

0160-«Транспорт воситалари»

2

Автомобилнинг эскириши ҳисобдан чиқарилди

5 000

0260-«Транспорт воситаларининг эскириши»

9210-«Асосий воситаларнинг чиқиб кетиши»

3

Қайта баҳолаш сальдоси ҳисобдан чиқарилди

700

8510-«Узоқ муддатли активларни қайта баҳолаш бўйича тузатишлар»

9210-«Асосий воситаларнинг чиқиб кетиши»

4

ҚҚС ҳисобланди 

1 200

 

300

4010-«Харидорлар ва буюртмачилардан олинадиган счётлар»

9210-«Асосий воситаларнинг чиқиб кетиши»

6410-«Бюджетга тўловлар бўйича қарз»

5

Автомобилни реализация қилишдан тушадиган тушум аниқланди

8 000

4010-«Харидорлар ва буюртмачилардан олинадиган счётлар»

9210-«Асосий воситаларнинг чиқиб кетиши»

6

Автомобилни реализация қилишдан кўрилган зарар бошқа операцион харажатларга ҳисобдан чиқарилди

1 600

9430-«Бошқа операцион харажатлар»

9210-«Асосий воситаларнинг чиқиб кетиши»

Чтобы получать новости от Buxgalter.uz первыми, подписывайтесь на Telegram-канал