Қайта баҳолашни бекор қилиш фойда солиғи бўйича бўнак тўловларига қандай таъсир кўрсатади

Агар сизнинг корхонангиз фойда солиғи бўйича бўнак тўловлари тўласа ва сиз бўнак маълумотномасини тақдим этишга қарор қилган бўлсангиз, мўлжалланаётган солиқ солинадиган фойдани аниқлашда асосий фондларни мажбурий қайта баҳолаш бекор қилинганлигини  инобатга олинг .

Buxgalter.uz илтимосига биноан мазкур масалани Молия вазирлиги Бевосита солиқлар бошқармаси бошлиғи Умид ҲАМРОЕВ тушунтирди:

– Фойда солиғи бўйича солиқ базасига таъсир кўрсатувчи харажатлар моддаларидан бири - амортизация. Бу йилдан бошлаб амортизация харажатлари 2021 йил 1 январь ҳолати бўйича қийматдан аниқланди. Солиқ солиш мақсадларида АВни кейинчалик қайта баҳолашлар амортизация харажатларини эътироф этишда ҳисобга олинмайди .

Яъни, мажбурий қайта баҳолаш бекор қилинганига қарамай, агар бу уларнинг 2021 йил учун ҳисоб сиёсатида белгиланган танланган ҳисоб модели талаб қилса, корхоналар узоқ муддатли активларни қайта баҳолашга ҳақлидир.

Агар сиз қайта баҳолашни амалга оширсангиз, фойда солиғи бўйича солиқ базасини аниқлашда амортизация 2021 йил давомида амалга оширилган қайта баҳолашни ҳисобга олмасдан, яъни -  2021 йил 1 январь ҳолати бўйича қийматдан аниқланади.