2022 йил январь-август учун норезидентлар учун ЖШДС ва ижтимоий солиқ ҳисоб-китоби қандай тўлдирилади

2022 йил 1 майдан бошлаб норезидентлар бўлган жисмоний шахсларнинг Ўзбекистондаги манбалардан олинган даромадларига 12% ставка бўйича солиқ солинади (дивидендлар, фоизлар ва фрахтдан олинадиган даромадлардан ташқари) . ЖШДСни қандай тўғри ҳисоблаб чиқариш ва Ҳисоб-китобни тўлдиришни buxgalter.uz илтимосига биноан “Infinity Profit Solution” аутсорсинг компанияси мутахассислари Алёна ТРОНОВА ва Анастасия ЗАБОЛОТИНА тушунтиришди:

 

– Вазиятни шартли мисолда кўриб чиқамиз.

Ташкилотда тўрт нафар ходим ишлайди: уч нафар Ўзбекистон резиденти ва 01.04.2022 йилда ишга қабул қилинган бир нафар норезидент. Ҳар бир ходимнинг маоши – 1 млн сўм:

• 2022 йил январь-август учун резидентларнинг МҲФ 24 млн сўмни ташкил этади;
• Апрель-август учун  норезидентнинг МҲФ – 5 млн сўм. 
• Январь-август учун жами МҲФ – 29 млн сўм. 

СКнинг 382-моддаси 3-бандига ўзгартиришлар киритилгунга қадар резидентлар/норезидентлар даромадларидан олинадиган ЖШДС ҳисоб-китоби:

ЖШДС ставкаси	01.05.2022 йилга қадар резидентлар учун ставка – 12%, норезидентлар учун – 20%
Давр	Январь	Февраль	Март	Апрель
Резидентлар бўлган ходимлар	3 000 000	3 000 000	3 000 000	3 000 000
Норезидент бўлган ходим	х	х	х	1 000 000
ЖШДС суммаси	360 000	360 000	360 000	560 000

 

2022 йил 1 майдан ўзгартиришларни ҳисобга олган ҳолда:

ЖШДС ставкаси	01.05.2022 йилдан бошлаб резидентлар ва норезидентлар учун учун ставка – 12%				2022 йил январь–август учун жами
Давр	Май	Июнь	Июль	Август
Резидентлар бўлган ходимлар	3 000 000	3 000 000	3 000 000	3 000 000	24 000 000
Норезидент бўлган ходим	1 000 000	1 000 000	1 000 000	1 000 000	5 000 000
ЖШДС суммаси	480 000	480 000	480 000	480 000	3 560 000

 

2022 йил январь–август учун ЖШДС, ижтимоий солиқ ва ШЖБПҲнинг йиғма ҳисоб-китоби:

Солиқлар ҳисоб-китоби	ЖШДС			Ижтимоий солиқ	ШЖБПҲ
ЖШДС ставкаси	2022 йил январь–август  –12%	01.05.2022 йилга қадар – 20%	01.05.2022 йилдан – 12%	12%	0,1%
Солиқ тўловчи	Резидентлар бўлган ходимлар	Норезидент бўлган ходим		Барча ходимлар учун	Резидентлар бўлган ходимлар	Норезидент бўлган ходим
Даромад суммаси	24 000 000	1 000 000	4 000 000	29 000 000	24 000 000	5 000 000
Солиқ суммаси	2 880 000	200 000	480 000	3 480 000	24 000	Ихтиёрий асосда *
Жами:	3 560 000			3 480 000	24 000	х

 ___________

* Чет эл фуқароси ихтиёрий асосда Ўзбекистоннинг жамғариб бориладиган пенсия тизими иштирокчиси бўлиши мумкин . Кўриб чиқилаётган мисолда унинг даромадларига ШЖБПҲ солинмайди.

Энди 2022 йил январь–август учун ЖШДС ва ижтимоий солиқ ҳисоб-китобини тўлдиришга ўтамиз.

 

1-қадам:

Шаблон-файлни юклаб олинг ва тўлдиринг (ЖШДС ва ижтимоий солиқ ҳисоб-китобига 5, 6 ва 7-иловалар):

Шаблон-файлни тўлдириш чоғида янги устунларга эътибор беринг – жисмоний шахс тури – “резидент” (1 рақами) ёки “норезидент” (2 рақами):

• ҳисоб-китобга 5-иловада (шаблон-файлнинг 1-варағи) – бу 7-устун;

• ҳисоб-китобга 6-иловада (шаблон-файлнинг 2-варағи) – бу 5-устун.

Бизнинг мисолимиз учун Ҳисоб-китобга 5-иловада (шаблон-файлнинг 1-варағи):

• резидент бўлган ходимлар учун – 1 рақамини;
• норезидент бўлган ходим учун – 2 рақамини танлаймиз.

Бизнинг мисолимизда норезидент бўлган ходимнинг МҲФни акс эттирамиз:

• Ҳисоб-китобга 5-илованинг (шаблон-файлнинг 1-варағи) 12-устунида – 2022 йил май-август учун норезидентнинг даромади – 4 000  000 сўм;

• Ҳисоб-китобга 5-илованинг (шаблон-файлнинг 1-варағи) 13-устунида – 2022 йил август учун норезидентнинг даромади – 1 000  000 сўм.

Тегишинча, норезидент бўлган ходимнинг МҲФга нисбатан 12% ставкани қўллаган ҳолда ҳисоблаб чиқарилган ЖШДС суммаларини акс эттирамиз:

• Ҳисоб-китобга 5-илованинг (шаблон-файлнинг 1-варағи) 14-устунида –май-август учун– 480  000 сўм;
• Ҳисоб-китобга 5-илованинг (шаблон-файлнинг 1-варағи) 15-устунида –август учун– 120  000 сўм.

2-қадам:

ЖШДС ва ижтимоий солиқ ҳисоб-китобига 4-иловани тўлдиринг:

• Ҳисоб-китобга 4-илованинг 010-сатри 4-устунида норезидентлар бўлган жисмоний шахсларнинг 2022 йил 1 майга қадар ҳисобланган даромадлари суммасини кўрсатинг (бизнинг мисолимизда – 1 млн сўм,
• Ҳисоб-китобга 4-илованинг 010-сатри 5-устунида норезидентларнинг халқаро ташишларда транспорт хизматлари тақдим этишдан олинадиган даромадлари (фрахтдан олинадиган даромадлар) суммасини кўрсатинг, агар бундай даромадлар мавжуд бўлса;
• 040-сатрда ЖШДС ставкасини кўрсатинг – 20%.

Ўзбекистон Республикаси норезиденти бўлган жисмоний шахслар томонидан Ўзбекистон Республикасидаги даромадлар манбаидан олинган даромадлар тўғрисида  МАЪЛУМОТ

Кўрсаткичлар	Сатр коди	Жами	шу жумладан:
			меҳнат ва фуқаролик-ҳуқуқий тусдаги шартномалар ҳамда бошқа даромалар суммалари	халқаро ташишларда транспорт хизматлари кўрсатишдан олинадиган (фрахтдан олинадиган) даромадлар суммаси
1	2	3	4	5
Ҳисобланган даромадларнинг умумий суммаси	010	1,000,000.00	1,000,000.00
шундан бошқа даромадлар (мулкий, моддий наф тарзидаги ва бошқа)	011			х
Жисмоний шахслардан олинадиган даромад солиғи ҳисобланмайдиган тўлов турлари (Ҳисоб-китобга 2-илованинг 060-сатри)	020			х
Солиқ солинадиган база (010-сатр - 020-сатр)	030	1,000,000.00	1,000,000.00
Даромад солиғи ставкаси, фоиз	040	х	20,00
Даромад солиғи бўйича ҳисобланган ва ҳисобот даврида тўланиши лозим бўлган сумма (030-сатр х 040-сатр)	050	200,000.00	200,000.00

Изоҳ: 010-сатрда ҳисобланган даромадлар суммаси йил бошидан ўсиб борувчи тартибда тўлдирилади.

 

 3-қадам:

ЖШДС ва ижтимоий солиқ ҳисоб-китобини ўзини тўлдиринг:

• Ҳисоб-китобнинг 011-сатри 5-устунида 2022 йил январдан августга қадар 12% ставка бўйича МҲФни акс эттиринг. Бизнинг мисолимизда – 28 000 000 сўм (8 млн сўм х 3 (резидентлар бўлган ходимлар/2022 йил январь-август) + 4 млн сўм (норезидент бўлган ходим/2022 йил май-август));
• Ҳисоб-китобнинг 0110-сатри 5-устунида жорий ойдаги ходимларнинг умумий МҲФни кўрсатинг (2022 йил август учун). Бизнинг мисолимизда – 4 000 000 сўм;
• Ҳисоб-китобнинг 013-сатри 5-устунида норезидентлар бўлган ходимларнинг 2022 йил 1 майга қадар (2022 йил апрель учун) даромадларининг умумий суммасини кўрсатинг. Бизда – 1 000 000 сўм;
• Ҳисоб-китобнинг 050-сатрида солиқлар ставкаларини акс эттиринг: ЖШДС (12%), ижтимоий солиқ (12%), ШЖБПҲ (0,1%);
• Ҳисоб-китобнинг 040-сатрида 2022 йил январь-август учун ташкилотнинг умумий МҲФ автоматик тарзда акс эттирилади. Бизда бу – 29 000 000 сўм, шундан:

- 28 000 000 сўмга 12% ставка бўйича ЖШДС солинган;

- 1 000 000 сўмга 20% ставка бўйича ЖШДС солинган.

 

Жисмоний шахслардан олинадиган даромад солиғи ва ижтимоий солиқ ҲИСОБ-КИТОБИ

(йил бошидан ўсиб борувчи тартиб билан тўлдирилади)

(сўмда)

Кўрсаткичлар	Сатр коди	Ҳисобланган даромад суммаси	Ижтимоий солиқ						Жисмоний шахслардан олинадиган даромад солиғи	ШЖБПҲга ҳисобланган мажбурий (ихтиёрий) бадаллар суммаси
			Жами	Умумбел- гиланган ставка бўйича		Бошқа ставкалар бўйича
1	2	3	4	5		6			7	8
Ҳисобланган даромадларнинг умумий суммаси (011-сатр + 0111-сатр + 012-сатр + 013-сатр)	010	29,000,000.00	х	х		х			х	х
шундан:
Меҳнатга ҳақ тўлаш билан боғлиқ бўлган даромадлар (Ўзбекистон Республикаси Солиқ кодексининг 371-моддаси) (Ҳисоб-китобга 5-илованинг 11-устуни)	011	28,000,000.00	28,000,000.00	28,000,000.00					х	х
шундан, ҳисобот даврида ҳисобланган меҳнатга ҳақ тўлаш тарзидаги даромадлар (Ҳисоб-китобга 5-илованинг 12-устуни)	0110	4,000,000.00	4,000,000.00	4,000,000.00		х			х	х
Ўзбекистон Республикаси ҳудудида ишлаш учун чет эллик ходимларни бериш бўйича хизматлар кўрсатиш шартномасига мувофиқ юридик шахс - Ўзбекистон Республикаси норезидентига тўланадиган чет эллик ходимларнинг даромадлари*	0111	0,00	0,00			х			х	х
Меҳнатга ҳақ тўлаш билан боғлиқ бўлмаган даромадлар (Ўзбекистон Республикаси Солиқ кодексининг 375 (дивиденд ва фоизлардан ташқари), 376 ва 377-моддалари) (Ҳисоб-китобга 6-илованинг 4-устуни)	012		х	х		х			х	х
шундан меҳнатга оид муносабатларда бўлмаган жисмоний шахснинг ёзма аризасига асосан жисмоний шахсларлдан олинадиган даромад солиғи ушлаб қолинмаган моддий наф тарзидаги даромадлар	0121		х	х		х			х	х
Ўзбекистон Республикаси норезиденти бўлган жисмоний шахслар томонидан Ўзбекистон Республикасида олинган даромадлар (Ҳисоб-китобга 4-илова)	013	1,000,000.00	1,000,000.00	1,000,000.00					200,000.00	х
Ижтимоий солиқ ҳисобланмайдиган тўлов турлари (Ҳисоб-китобга 1-илованинг 010-сатри)	020	х							х	х
Жисмоний шахсларнинг солиқ солишдан озод этилган даромадлари (Ҳисоб-китобга 2-илованинг 010-сатри)	030	х	х		х		х				х
Солиқ базаси	040	х	29,000,000.00		29,000,000.00			28,000,000.00			х
Жисмоний шахслардан олинадиган даромад солиғи, ижтимоий солиқ ва ШЖБПҲга бадаллар ставкаси, %	050	х	х		12,00			12,00			0,1
Ҳисобланган жисмоний шахслардан олинадиган даромад солиғи, ижтимоий солиқ ва ШЖБПҲга бадаллар суммаси (040 сатр х 050 сатр)	060	х	3,480,000.00		3,480,000.00			3,360,000.00			24,000.00
Филиаллар ва (ёки) алоҳида бўлинмалар ҳамда юридик шахснинг бош офиси томонидан камайтириладиган ижтимоий солиқ ва жисмоний шахслардан олинадиган даромад солиғи суммаси**	061	х									х
Ҳисобот даври учун қўшимча ҳисобланган жисмоний шахслардан олинадиган даромад солиғи суммаси (Ҳисоб-китобга 3-иловани 070-сатри)	070	х	х		х		х				х
ШЖБПҲга ихтиёрий тўланган бадал суммаси	080	х	х		х		х	х
Жами ҳисобот даврида тўланиши лозим бўлган жисмоний шахслардан олинадиган даромад солиғи, ижтимоий солиқ ва ШЖБПҲга бадаллар суммаси (060-сатр - 061-сатр + 070-сатр + 080-сатр)	090	х	3,480,000.00		3,480,000.00			3,536,000.00			24,000.00