2020 йил учун мол-мулк солиғи ҳисоб-китоби қандай тўлдирилади
Тавсияда:
– ҳисоб-китобни тақдим этиш муддати;
– ҳисоб-китобни тўлдириш тартиби.
Ҳисоб-китобни тақдим этиш муддати
Мол-мулк солиғи ҳисоб-китобини солиқ бўйича ҳисобга олиш жойида йилда 1 марта, йиллик молиявий ҳисобот топшириладиган муддатда тақдим этинг .
Кўчмас мулк солиқ бўйича ҳисобга олиш жойида жойлашмаган бўлса, солиқ солиш объекти жойлашган жой бўйича ҳам ҳисоб-китобни тақдим этинг. Бироқ бу қуйидаги мол-мулкка тааллуқли эмас (ҳисоб-китоб солиқ бўйича ҳисобга олиш жойига тақдим этилади):
- темир йўллар;
- магистрал қувурлар;
- алоқа ва электр узатиш линиялари;
- мазкур объектларнинг ажралмас технологик қисми бўлган иншоотлар.
Ўзбекистон норезидентлари бўлган юридик шахслар солиқ ҳисоботини ҳисобот йилидан кейинги йилнинг 15 февралига қадар бўлган муддатда тақдим этадилар.
Қуйидагилар юридик шахсларнинг мол-мулкига солинадиган солиқдан озод қилинади:
- ягона иштирокчилари ногиронлиги бўлган шахсларнинг жамоат бирлашмалари бўлган ва ходимларининг умумий сонида бундай шахслар камида 50%ни ташкил этадиган юридик шахслар. Бунда ногиронлиги бўлган шахсларнинг меҳнатига ҳақ тўлаш фонди умумий МҲТФнинг камида 50%ини ташкил этиши...