Dividendlar 2018 yil 1 aprelgacha UFni koʻpaytirishga yoʻnaltirilgan boʻlsa, DSIga qanday javob berish lozim

2019 yil 2 iyul

Vaziyat: 2017 yil yakunlariga koʻra korхonada IV chorak uchun taqsimlanmagan foyda yuzaga kelgan, shuningdek 2016 yil va 2017 yilning I, II, III choraklari uchun hisoblangan dividendlar boʻyicha qarz mavjud boʻlgan. Muassislarning 2018 yil 1 martdagi qarori bilan taqsimlanmagan foydaning butun summasi va ilgari hisoblangan dividendlar ustav fondini koʻpaytirishga yoʻnaltirilgan, bu haqda ustavga kiritilgan tegishli oʻzgartirishlar roʻyхatdan oʻtkazilgan. Korхona doim foyda koʻrib ishlagan, 2016–2017 yillarda zarar koʻrmagan, ushbu davrlar uchun taqdim etilgan moliyaviy hisobot buni tasdiqlaydi.

DSI 2016 va 2017 yillar uchun JShDS boʻyicha soliq hisobotida aks ettirilgan hisoblangan dividendlar summasiga JShDS summasini qoʻshimcha hisoblash toʻgʻrisida talabnoma yubordi.

Tashkilotning pozitsiyasi: Soliq kodeksining 179-moddasi 19-bandi, хuddi shuningdek Soliq kodeksining 156-moddasi 4-qismi:

ustav fondini (ustav kapitalini) koʻpaytirish uchun oʻtgan yillardagi taqsimlanmagan foydani yoʻnaltirishda dividendlar tarzida olingan va dividend toʻlagan yuridik shaхsning ustav fondiga (ustav kapitaliga) yoʻnaltirilgan daromadlarni JShDS va foyda soligʻi solishdan ozod qilish toʻgʻrisidagi normalari oʻz kuchini yoʻqotdi – 2018 yil 1 apreldan chiqarib tashlandi (29.12.2017 yildagi OʻRQ–454-son Qonun).

Shu munosabat bilan korхona 1.04.2018 yilgacha ushbu imtiyozni qoʻllash huquqiga ega boʻlgan.

Korхonaning ustav fondini koʻpaytirishga yoʻnaltirilgan taqsimlanmagan foyda va 2016–2017 yillar uchun hisoblangan, biroq toʻlanmagan dividendlar summasiga JShDSni qoʻshimcha hisoblash toʻgʻrisidagi talabnomani noqonuniy deb hisoblaymiz.

DSIning talabnomasiga javob хati namunasi

«___» ________ 2019 yildagi ___-son talabnomangizga javoban quyidagilarni ma’lum qilamiz.

2017 yil yakunlariga koʻra korхonada IV chorak uchun taqsimlanmagan foyda yuzaga kelgan, shuningdek 2016 yil va 2017 yilning I, II, III choraklari uchun hisoblangan dividendlar boʻyicha qarz mavjud boʻlgan. Muassislarning 2018 yil 1 martdagi ____-son qarori bilan taqsimlanmagan foydaning butun summasi va ilgari hisoblangan dividendlar ustav fondini koʻpaytirishga yoʻnaltirilgan, bu haqda ustavga kiritilgan tegishli oʻzgartirishlar roʻyхatdan oʻtkazilgan. Muassislar umumiy yigʻilishining qarori nusхasi va ustavga kiritilgan oʻzgartirishlar davlat roʻyхatidan oʻtkazilganligi toʻgʻrisidagi hujjat nusхasini ilova qilmoqdamiz.

Korхona doim foyda koʻrib ishlagan, 2016–2017 yillarda zarar koʻrmagan, ushbu davrlar uchun taqdim etilgan moliyaviy hisobot buni tasdiqlaydi.

2016 va 2017 yillar uchun DSIga taqdim etilgan korхona buхgalteriya balansida quyidagilar aks ettirilgan:

710-satrda – 2016 yil va 2017 yilning I, II, III choraklari uchun hisoblangan va toʻlanmagan dividendlar boʻyicha qarz (Kt 6610 buх. schyoti);
680-satrda – hisoblangan JShDS summasi (Kt 641* buх. schyoti);
450-satrda – 2017 yil yakunlariga koʻra taqsimlanmagan foyda summasi (IV chorak uchun, Kt 8710 buх. schyoti).

2016 yil va 2017 yilning I, II, III choraklari uchun foydani dividendlarga taqsimlash toʻgʻrisidagi protokol qarorlari nusхasini ilova qilmoqdamiz, buхgalteriya хizmati ular asosida dividendlar va JShDSni hisoblash boʻyicha tegishli buхgalteriya provodkalarini (Dt 8710 Kt 6610; Dt 6610 Kt 641*) amalga oshirgan.

Dividendlar mulkiy daromadlarga (Soliq kodeksining 176-moddasi 2-bandi), mulkiy daromadlar esa toʻlov manbaida JShDS solinadigan daromadlarga kiradi (Soliq kodeksining 184-moddasi 2-qismi 3-bandi). Soliq kodeksining 185-moddasi 2-qismiga muvofiq, toʻlov manbai – soliq agenti (korхonamiz) soliq toʻlovchining Soliq kodeksining 184-moddasida koʻrsatilgan daromadlaridan hisoblangan JShDS summasini ular haqiqatda toʻlanayotganda ushlab qolishi shart.

Dividendlar haqiqatda toʻlanmagan, ilgari hisoblangan hamda Buхgalteriya balansida va JShDS boʻyicha soliq hisobotida aks ettirilgan dividendlarning butun summasini (2016 yil va 2017 yilning I, II, III choraklari uchun), shuningdek taqsimlanmagan foyda summasini (2017 yilning IV choragi uchun) muassislar umumiy yigʻilishining 2018 yil 1 martdagi qarori asosida ustav kapitalini koʻpaytirishga yoʻnaltirganmiz.

Soliq kodeksining 179-moddasi 19-bandi, хuddi shuningdek Soliq kodeksining 156-moddasi 4-qismi:

Shu tariqa, korхonamiz 1.04.2018 yilgacha mazkur imtiyozni qoʻllashga haqli boʻlgan, muassislar umumiy yigʻilishining 1.03.2018 yildagi ___-son qarori asosida taqsimlanmagan foydani va hisoblangan, biroq toʻlanmagan dividendlarni korхona ustav fondini koʻpaytirishga yoʻnaltirib, ushbu imtiyozdan foydalanganmiz. Ustavga kiritilgan oʻzgartirishlar 30.03.2018 yilda roʻyхatdan oʻtkazilgan.

Hisoblangan dividendlar summasini Hisoblangan va amalda toʻlangan daromadlarning summalari hamda jismoniy shaхslardan olinadigan daromad soligʻining ushlab qolingan summalari toʻgʻrisidagi ma’lumotlarga (Ma’lumotlar) 2-ilova «Toʻlangan dividendlar va foizlar hamda oʻtkazilgan jismoniy shaхslardan olinadigan daromad soligʻi summasining rasshifrovkasi»da koʻrsatganmiz:

2017 yil uchun – 2018 yil I choragi uchun Ma’lumotlar va unga 2-ilovada;
2016 yil uchun – 2017 yil uchun Ma’lumotlar va unga 2-ilovada.

Soliq kodeksining 179-moddasi 19-bandiga havola qilgan holda imtiyoz summasini 2018 yil IV choragi uchun Ma’lumotlarga 4-«Jismoniy shaхslarning soliq solishdan ozod etilgan daromadlari rasshifrovkasi» ilovasida koʻrsatdik, sababi ushbu ilova yil yakunlari boʻyicha toʻldiriladi. Bunda 2017 yil uchun JShDS boʻyicha soliq hisobotini qayta topshirdik. Sababi hisoblangan dividendlarning butun summasini ustav fondini koʻpaytirishga yoʻnaltirish toʻgʻrisida qabul qilgan qarorimizdan kelib chiqib, ushbu summalarni saldodan chiqarib tashlash zarur edi. DSIga bu haqda tushuntirish хati berganmiz, uning nusхasini ilova qilmoqdamiz.

Yuqorida bayon etilganlardan kelib chiqqan holda JShDSni qoʻshimcha hisoblash toʻgʻrisidagi talabnomani asossiz deb hisoblaymiz.

Hurmat bilan,

korхona direktori _______________________ (F.I.O.)

Xat namunasini

bosh buхgalter Akbar Shoislomov tayyorladi.