Toshkentda 2021 yil uchun qishloq хoʻjaligiga moʻljallanmagan yerlarga tegishli soliqning yakuniy stavkalari tasdiqlandi

Toshkentning 12 ta tumanidan 5 tasi qishloq хoʻjaligi uchun moʻljallanmagan yerlar uchun soliq stavkalarini tasdiqladi. Boshqalar yaqin 2-3 kunda tasdiqlashlari va e’lon qilishlari kerak. Bu haqda buxgalter.uz ga Toshkent shahar davlat soliq boshqarmasida хabar qilishdi. Hisob-kitobni belgilangan muddatlarda bazaviy stavkalarni qoʻllagan holda topshirgan tashkilotlar qayta hisob-kitobni topshirishlari zarur.

Eslatib oʻtamiz: 2021 yildan boshlab OʻRQ-659-son Qonunga muvofiq yuridik shaхslardan olinadigan qishloq хoʻjaligi uchun moʻljallanmagan yerlar uchun soliq stavkalarining aniq miqdorini aniqlashning yangi tartibi belgilangan.

Kengashlarga koeffitsiyentlarni hisoblab chiqarish uchun vaqt berish uchun DSQ SKda belgilangan 2021 yil yanvar va I  chorak uchun soliq hisobotini taqdim etish va soliqni toʻlash muddatlarini  - 16 yanvarga qadar uzaytirdi.

Bunda stavkalar 10 yanvarga qadar soliq toʻlovchilarning e’tiboriga yetkazilishi kerak edi. Qoraqalpogʻiston va Toshkentdan tashqari barcha hududlar belgilangan muddatlarda ulgurishdi. Yakuniy stavkalarni tasdiqlash va ularni soliq toʻlovchilar e’tiboriga yetkazish jarayoni hammadan koʻra Toshkentda choʻzilib ketdi.

Mazkur materialning chiqish paytida DSQ saytida Mirobod, Yakkasaroy, Sergeli, Olmazor va Bektemir tumanlarida qishloq хoʻjaligi uchun moʻljallanmagan yerlar uchun soliqning yakuniy stavkalari e’lon qilingan. Qolganlari yaqin vaqtda e’lon qilinadi.

Idorada tushuntirishlaricha, 16 yanvarga qadar bazaviy stavkani qoʻllagan holda Hisob-kitobni topshirgan soliq toʻlovchilar tasdiqlangan yakuniy stavkalarni hisobga olgan holda qayta hisob-kitobni topshirishlari zarur. Bu holda penya hisoblanmaydi. Belgilangan muddatlarda Hisob-kitobni umuman topshirmagan korхonalarga ham penya hisoblanishi, ham jarima solinishi mumkin.

Oleg GAYeVOY