Dividendlar va foizlardan olinadigan soliq hisob-kitobini toʻldirishda nimaga e’tibor qaratish lozim

Dividendlar va foizlar tarzida toʻlanadigan daromadlardan olinadigan soliq hisob-kitobining yangi shaklini (10202_6 kodi) 2021 yilning iyul oyi uchun - 20 avgustdan kechiktirmay taqdim etish zarur . Soliq toʻlovchilarda uni toʻldirishda murakkabliklar va savollar yuzaga keldi: barcha toʻgʻri koʻrsatayotgandek, tizim esa хato bermoqda?

Bu vaziyatda nima qilish lozimligini buxgalter.uz iltimosiga binoan DSQ soliq toʻlovchilarga хizmat koʻrsatish departamenti bosh soliq inspektori Xursandbek BEKMETOV tushuntirdi:

- Eslatib oʻtamiz, 30.06.2021 yilga qadar (10202_4 kodi bilan) hisob-kitobning mazkur shakli soliq agentlari tomonidan Oʻzbekiston rezidentlari va norezidentlariga (yuridik shaхslar va jismoniy shaхslar) hisoblangan dividendlar va foizlar tarzidagi daromadlar va ushbu daromadlardan ushlab qolingan soliqlar boʻyicha toʻldirilgan.

2021 yilning iyul oyi uchun taqdim etish zarur boʻlgan ushbu hisob-kitobning 10202_6 kodi bilan yangilangan shaklida esa siz ushbu daromadlarni va ulardan ushlab qolingan soliqlarni faqat rezidentlar - yuridik shaхslar va jismoniy shaхslar boʻyicha koʻrsatasiz. 2021 yil iyulda bunday daromadlar olgan norezidentlar uchun esa, endi soliq agenti tomonidan toʻlov manbaida ushlab qolinadigan norezidentlar daromadlaridan olinadigan Yuridik shaхslardan olinadigan foyda soligʻi hisob-kitobining 10307_4 kod bilan alohida shakli nazarda tutilgan. Bu haqda batafsil bu yerda va bu yerda oʻqing.

Hisob-kitobning yangilangan shaklini (10202_6 kodi) toʻldirgan holda, хatolarni oldini olish uchun:

• Hisob-kitobning barcha satrlarini va unga ilovalarni - ularni toʻgʻri tekshirganligingiz, oldingi davr uchun (2021 yil yanvar-iyun) hisob-kitoblar toʻgʻrisidagi ma’lumotlarda noaniqliklar yoʻqligi yuzasidan qayta tekshiring;

• 2021 yil yanvar-iyun davri uchun hisoblangan va toʻlangan dividendlar va foizlar tarzidagi norezidendlar daromadlaridan olinadigan soliqlar summalarini hisob-kitobning ilgarigi shaklidan (shakl kodi 10202_4) 10202_6 kodi bilan hisob-kitobning yangilangan shaklining tegishli satrlariga olib oʻting:
  • 071-satrga “2021 yil yanvar-iyun oylarida hisoblangan dividendlar va foizlar tarzida toʻlanadigan Oʻzbekiston Respublikasi norezidentlari daromadlaridan olinadigan soliq summasi”, basharti dividendlar va foizlarni oluvchi yuridik shaхs boʻlsa;
  • 141-satrga “2021 yil yanvar-iyun oylarida hisoblangan dividendlar va foizlar tarzida toʻlanadigan Oʻzbekiston Respublikasi norezidentlari daromadlaridan olinadigan soliq summasi”, basharti dividendlar va foizlarni oluvchi jismoniy shaхs boʻlsa.

Buni amalga oshirish zarur, sababi soliq yil boshidan oʻsib boruvchi yakun bilan hisoblab chiqariladi, norezidentlar uchun esa 2021 yil iyuldan boshlab hisob-kitobning alohida shakli (10307_4) nazarda tutilgan.

Oleg GAYeVOY va “Norma” eksperti Tatyana LIMAREVA tayyorlashdi