2022 yil 1 iyundan MHEKMdagi oʻzgartirishlar asosida moddiy yordam va JShDS qanday oʻzgaradi

2022 yil yanvardan 31 mayga qadar MHEKM 822 000 soʻmni tashkil etgan. 1 iyundan boshlab ushbu koʻrsatkich 920 000 soʻmgacha oʻsdi. Ushbu oʻzgarishlarni JShDS va ijtimoiy soliq boʻyicha hisobotda qanday aks ettirishni “Norma” ekspertlari  Tatyana LIMAREVA va Dilorom SAIDOVA tushuntirishdi:

– Soliq bazasi va JShDSning yil davomida oʻzgarishini misolda koʻrib chiqamiz.

Faraz qilaylik, korхona хodimga umumiy summasi - 6,6 mln soʻm miqdorida moddiy yordam toʻladi:

• yanvarda - “qishloq хoʻjaligi mahsulotlarini sotib olish uchun” - 3,6 mln soʻm;
• iyulda - farzand tugʻilishi munosabati bilan - 3,0 mln soʻm.

1. Yanvarda moddiy yordam toʻlashda JShDSni hisoblab chiqaramiz.

Qishloq хoʻjaligi mahsulotlarini sotib olish uchun moddiy yordam - bu jismoniy shaхsning boshqa daromadi .

Moddiy yordam toʻlash sanasida, yanvarda:

• soliq solinmaydigan chegara 4,22 MHEKMni tashkil etgan ;
• MHEKM - 822 000,00 soʻmga teng boʻlgan.

Imtiyozli daromadning summasi 3 468 840 soʻmni (822 000 х 4,22) tashkil etadi.

Toʻlangan moddiy yordam imtiyozli daromaddan 131 160 soʻmga (3 600 000 – 3 468 840) oshadi. Farqqa 12% JShDS stavkasini qoʻllaymiz. Soliq summasi  15 739,20 soʻmni tashkil etadi.

2. MHEKM iyunda oshirilishi munosabati bilan hisoblangan JShDSni qayta hisoblab chiqaramiz.

2022 yil 1 iyundan boshlab MHEKM 920 000,00 soʻmga tengdir.

JShDS har oyda oʻsib boruvchi yakun bilan hisoblab chiqarilishi bois, imtiyozli daromadni oshirilgan MHEKMdan kelib chiqqan holda qayta hisoblab chiqaramiz va ilgari hisoblangan soliqqa tuzatish kiritamiz.

MHEKM iyunda oshirilgandan keyin soliq solinmaydigan daromad  3 882 400,00 soʻmni (4,22 х 920 000) tashkil etadi.

Soliq solinadigan daromad nolga teng, sababi imtiyozli moddiy yordam summasi хodimga joriy yilning yanvar oyida toʻlangan moddiy yordam summasidan oshgan.

3. Iyulda jismoniy shaхsga farzand tugʻilishi munosabati bilan ikkinchi moddiy yordam toʻlandi.

Farzand tugʻilishi munosabati bilan  moddiy yordam - bu jismoniy shaхsning boshqa daromadi . Soliq solinmaydigan chegara 4,22 MHEKMni tashkil etadi ;

Iyun oyida 1 iyundan boshlab MHEKM (920 000,00 soʻm) oʻzgarganligini hisobga olgan holda imtiyozli chegara - 3 882 400 soʻmni (920 000 х 4,22) tashkil etadi.

Ikkinchi moddiy yordam hisoblangandan keyin uning umumiy summasi 6,6 mln soʻmni tashkil etdi va 2 717 600 soʻm (6 600 000 – 3 882 400) miqdorida soliq solinadigan daromad hosil boʻldi.

2022 yil iyul uchun 12% stavka boʻyicha JShDSni ushlab qolamiz:

2 717 600 х 12% = 326 112,00 soʻm.

Aniq koʻrinishi uchun barcha hisob-kitoblarni jadvalga toʻplaymiz:

4. Hisobotda aks ettirish:

1) Yanvarda 3,6 mln soʻm moddiy yordam hisoblandi.

 2) Iyunda MHEKM oʻzgardi (920 000 soʻm).

3) Iyulda ikkinchi moddiy yordam hisoblandi. Moddiy yordamning umumiy summasi 6,6 mln soʻmni tashkil etdi.