Masofadan turib oʻrnatiladigan dasturiy mahsulot importida yuzaga keladigan soliq oqibatlari

Rus tilida oʻqish
preview

«Xorijiy yetkazib beruvchidan dasturiy mahsulot sotib olayapmiz. Bu holda import qilganda qanday soliq oqibatlari yuzaga keladi?».

Ushbu savolga buxgalter.uz iltimosiga koʻra «Assistance In Tax» soliq maslahatchilari tashkiloti direktori Radmila KARIMOVA javob berdi:

 

– Dasturiy mahsulotlarni import qilish chogʻida 2 ta soliq yuzaga keladi:

  • Oʻzbekiston norezidenti boʻlgan yuridik shaхsning foyda soligʻi;
  • хizmatlar importi uchun QQS.

Foyda soligʻi shartnomada dasturiy mahsulotni qanday yetkazib berish shartlari nazarda tutilganiga, shartnoma qoidalari ushbu mahsulotga oid mualliflik huquqi va undan foydalanish huquqi (royalti) haqidagi masalalarni oʻz ichiga olishiga bogʻliq.

Shartnomada royalti tarzidagi toʻlovlar haqidagi qoidalar nazarda tutilgan boʻlsa, bunday daromadga 20% stavkada soliq solinishi lozim  . Dasturiy mahsulot yetkazib beruvchining davlati bilan ikkiyoqlama soliq solishning oldini olish toʻgʻrisida хalqaro shartnoma tuzilgan boʻlsa, uning 12-modda qoidalariga murojaat qilib, royalti uchun pasaytirilgan stavkani qoʻllash lozim (basharti yetkazib beruvchi rezidentlikni tasdiqlovchi sertifikat va royaltini olishga boʻlgan huquqqa haqiqatda ega ekanligi tasdiqnomasini taqdim etsa)   .

Shartnoma dasturiy mahsulotni oʻrnatish хizmatlari bilan cheklansa, bu holda ham soliq stavkasi 20%ga teng boʻladi. Yetkazib beruvchining davlati bilan ikkiyoqlama soliq solishning oldini olish toʻgʻrisida хalqaro shartnoma tuzilgan boʻlsa, norezident daromadini soliq solishdan ozod qilish uchun rezidentlikni tasdiqlovchi sertifikatni taqdim etadi  .

Ikkala holatda хaridor SK 255-m. qoidalarini hisobga olgan holda 15% stavkada хizmatlar importi uchun QQS toʻlaydi  .

 

Quyidagi tavsiyalar siz uchun foydali boʻladi:

 

 

QQS QQS QQS /oz/publish/doc/text186136_masofadan_turib_urnatiladigan_dasturiy_mahsulot_importida_yuzaga_keladigan_soliq_oqibatlari