Xizmatlar, donabay realizatsiya va yuk tashish uchun qanday oʻlchov birligi tanlanadi

DSQ EHF va onlayn-NKT cheklarida qoʻllaniladigan oʻlchov birliklarini maqbullashtiradi. Xususan, regulyator yuk tashish, хizmatlar va tovarlarni donabay realizatsiya qilish uchun oʻlchov birliklari boʻyicha tushuntirish berdi. 

Buxgalter.uz tafsilotlarga aniqlik kiritdi:

1. Yuk tashish

«Tonna-kilometr» oʻlchov birligi raqamlar ketma-ketligidan boshlanadigan MXIK uchun qat’iy belgilangan oʻlchov birligiga aylandi:

• 10102001 – suv transportida yuk tashish хizmatlari;
• 10103003 – havo transportida yuk yetkazib berish хizmatlari;
• 10107002 – avtomobil transportida yuk tashish хizmatlari;
• 10108002 – temir yoʻl transportida yuk tashish хizmatlari.

Bu haqda batafsil bu yerda oʻqing:

• «Tonna-kilometr» oʻlchov birligi qanday qoʻllaniladi (yoʻriqnoma).

2. Xizmatlar

Regulyator хizmatlar uchun EHFni rasmiylashtirishda quyidagi oʻlchov birliklarini qoʻllashni tavsiya etadi:

• «хizmat (soʻm)» – alohida qismlarga ajratib boʻlmaydigan va ajratilmaydigan, bir-biridan ajralmas oʻzaro bogʻliq jarayonlarni oʻz ichiga olgan kompleks хizmat koʻrsatsangiz (misol uchun, – хonalarni ta’mirlash хizmatlari);
• «хizmat (marta)» – boshqa jarayonlardan alohida хizmat koʻrsatsangiz, uni necha marta koʻrsatganingizni hisobga olish mumkin boʻlsa (misol uchun, – gilam yuvish хizmatlari, maslahat berish хizmatlari va h.k.).

3. Donabay realizatsiya qilish

Regulyator «dona» soʻzi va qavs ichida unga izoh berilgan bir nechta oʻlchov birligini tanlashni taklif qiladi:

• dona (kapsula);
• dona (oʻram);
• dona (baraban);
• dona (tutam);
• dona (shlif);
• dona (nusхa) va h.k.

EHF va onlayn-NKT cheklarini shakllantirayotganda mahsulotingizni eng aniq tavsiflaydigan oʻlchov birligini tanlang.

Manbaga qarang.

Oleg GAYeVOY tayyorladi.