Qanday qilib 2023 yil uchun qishloq хoʻjaligiga moʻljallanmagan yerlar boʻyicha hisob-kitobni topshirish va soliqni toʻlash kerak

My.soliq.uzdagi shaхsiy kabinetlarda qishloq хoʻjaligiga moʻljallanmagan yerlar boʻyicha yer soligʻini hisoblab chiqarish uchun hisobot shakllari joylashtirilgan. Buxgalter.uz DSQda tafsilotlarni aniqlashtirdi: 

Hisobot shakllari

Soliq toʻlovchilar qishloq хoʻjaligiga moʻljallanmagan yerlar boʻyicha soliq hisobotini joriy yilning 20 yanvaridan kechiktirmay yer uchastkasi joylashgan yeri boʻyicha soliq organiga taqdim etadilar .

Buning uchun:

• aylanmadan olinadigan soliq toʻlovchilar 10510_20-sonli hisobot shaklini joʻnatadilar;
• barcha boshqa tashkilotlar – 10510_21-sonli hisobot shaklini joʻnatadilar.

Shakllar belgilangan stavkalar va kadastr organlarining ma’lumotlari asosida avtomatik tarzda toʻldiriladi. Soliq toʻlovchidan faqat hisobotni joʻnatish talab qilinadi.

Agar ma’lumotnomadagi ma’lumotlar haqiqiylariga  muvofiq kelmasa, kadastr organlariga murojaat qiling.

Yer uchastkalari soliq solish ob’yekti hisoblanmaydigan soliq toʻlovchilar hisobotni topshirishdan oldin ushbu yerlar toʻgʻrisidagi ma’lumotnomani 10510_03-sonli shakl boʻyicha joʻnatadilar (u ham soliq hisoboti tarkibida mavjud).

Stavkalar

Hisob-kitoblarda Qoraqalpogʻiston Respublikasi Joʻqorgʻi Kengesi va viloyatlar хalq deputatlari Kengashlari tomonidan tasdiqlangan kamaytiruvchi va oshiruvchi koeffitsiyentlarni hisobga olgan holda hisoblab chiqarilgan yakuniy soliq stavkalari qoʻllaniladi .

2023 yilning 16 yanvar holatiga DSQ saytining “Yer soligʻi stavkalari” boʻlimida hozircha faqat 2022 yil uchun ma’lumotlar koʻrsatilgan. Shu bois kutamiz va vaqti-vaqti bilan monitoring qilamiz...

Soliqni toʻlash muddatlari

• Aylanmadan olinadigan soliq toʻlovchilar soliqni har chorak uchinchi oyining 20-kunidan kechiktirmay toʻlaydilar;
• boshqa soliq toʻlovchilar – har oyning 10-kuniga qadar toʻlaydilar. 

Bunda 2023 yilning yanvar oyi uchun soliqni 20 yanvardan kechiktirmay toʻlash lozim.

Manbaga qarang.

Oleg GAYeVOY tayyorladi