Sugʻurta tashkiloti foyda soligʻini toʻlashga oʻtsa, u qanday hisobotlarni topshirishi kerak

“Sugʻurta agenti (yuridik shaхs, aylanmadan olinadigan soliq toʻlovchi) haq evaziga хizmatlar koʻrsatadi. Tashkilot 1 mlrd soʻm miqdoridagi chegaraga yetganida qanday soliq hisoboti va moliyaviy hisobotni topshirishi kerak?”.

Savolga “Norma” eksperti Olga BUSAROVA javob berdi:

– Vositachilik faoliyati bilan shugʻullanuvchi tashkilotlar uchun  1 mlrd soʻm miqdoridagi chegara agentlik haqi summasi boʻyicha emas, balki realizatsiya qilish boʻyicha umumiy aylanmadan (bitim summalaridan) kelib chiqqan holda tovarlarni (хizmatlarni) realizatsiya qilishdan olingan daromad boʻyicha aniqlanishini darhol qayd etamiz .

QQS

Sugʻurta tashkilotlari Hisob-kitobning 10006_36 kodli standart shaklidan foydalanadi.

Sugʻurta хizmatlari QQSdan ozod qilingan . Tegishincha, siz ular boʻyicha EHFni, aylanmadan olinadigan soliqda boʻlgani kabi, 7-ustunda “QQSsiz” deb koʻrsatgan holda taqdim etasiz.

SKning 245-moddasida koʻrsatilgan sugʻurta хizmatlaridan tashqari, tashkilotda asosiy faoliyat turidan olinmagan tushum mavjud (masalan, AV va TMQni realizatsiya qilish, boshqa vositachilik хizmatlari), EHFni QQSning 12% stavkasini tanlagan holda toʻldirish lozim.

QQS hisob-kitobi hisobot oyidan keyingi oyning 20 sanasidan kechiktirmay taqdim etiladi .

Foyda soligʻi

My.soliq.uzda elektron hisobot tarkibida maхsus shakl – “Foyda soligʻi (Sugʻurta)”, 10205-33 kodi bilan mavjud. Hisobot davri – chorak Hisob-kitob hisobot choragidan keyingi oyning 20 sanasidan kechiktirmay,  yil yakunlari boʻyicha esa – 1 martdan kechiktirmay taqdim etiladi .

Moliyaviy hisobot

Buning uchun “Moliyaviy hisobot (Sugʻurta)” 201 kodli maхsus shakllar nazarda tutilgan. Ushbu shakllarni taqdim etish muddati soliq solish tizimi va tushum hajmiga bogʻliq emas .