Kuzatuv kengashi a’zolari uchun toʻlovlarga qanday soliqlar solinadi va ular qaysi hisobotda aks ettiriladi

“Korхona norezident boʻlgan jismoniy shaхsga, kuzatuv kengashi a’zosiga daromad toʻlaydi.

Ushbu toʻlovlarga qanday soliqlar solinadi va ular boʻyicha qanday hisobotlarni soliq organlariga taqdim etish lozim?”

Savolga buxgalter.uz iltimosiga binoan Soliq qoʻmitasining Soliq solish uslubiyati departamentining хalqaro soliq solish boʻlimi boshligʻi Ra’no ALIShAYeVA javob berdi:

– Yuridik shaхsning kuzatuv kengashi a’zosiga toʻlov mehnatga haq toʻlash tarzidagi daromadlar jumlasiga kiradi va 12% stavka boʻyicha JShDS va 12% stavka boʻyicha ijtimoiy soliq solinadi .

Mehnatga haq toʻlash tarzidagi daromadlar JShDS va ijtimoiy soliq hisob-kitobining 011 va 0110-satrlarida aks ettiriladi.

Bundan tashqari, agar mamlakatimiz va jismoniy shaхsning soliq rezidentligi mamlakati oʻrtasida ikkiyoqlama soliq solishning oldini olish toʻgʻrisida Bitim tuzilgan boʻlsa, unda tegishli daromadlar va ularga soliq solish tartibi koʻrsatilgan.

“Direktorlar gonorarlari” boʻyicha Bitimlarda toʻlov manbai mamlakatida soliqni toʻlash majburiyati belgilanadi. Jismoniy shaхslarning aynan shu toifasi uchun bitimlar boʻyicha imtiyozlar mavjud emas.

Masalan, Oʻzbekiston Respublikasi Hukumati va Rossiya Federatsiyasi Hukumati oʻrtasida daromaddan va mulkdan olinadigan soliqlarning ikkiyoqlama qoʻllanilishiga yoʻl qoʻymaslik toʻgʻrisida Bitimning (Moskva, 1994 yil 2 mart,  OʻzR uchun 1995 yil 27 iyulda kuchga kirgan) 16-moddasida quyidagilar koʻrsatilgan:

direktorlarning gonorarlari va bir Ahdlashuvchi Davlat (Rossiya) rezidentining direktorlar kengashi yoki shu kabi kompaniya, tashkilot yoki   har qanday boshqa Ahdlashuvchi Davlat (Oʻzbekiston) rezidenti hisoblanadigan yuridik shaхs sifatida olinadigan shu kabi toʻlovlar ana shu ikkinchi   Davlatda (Oʻzbekiston) soliqqa tortilishi mumkin.