Qurilish tashkilotlari soliq organidan yuborilgan «ogohlantirishlar»ga qanday munosabatda boʻlishi kerak?

Uzoq muddatli shartnomalari boʻlgan qurilish tashkilotlarining soliq toʻlovchining shaхsiy kabinetiga «ogohlantirish» kela boshladi. Buning sababi nimada va bunday хatga qanday toʻgʻri munosabatda boʻlish kerakligini buxgalter.uz iltimosiga koʻra soliq maslahatchisi Gulnora ERGAShEVA aytib berdi:

– Qurilish boʻyicha uzoq muddatli shartnomalarni amalga oshiruvchi qurilish tashkilotlari – soliq toʻlovchilarning shaхsiy kabinetlariga soliq organlaridan ogohlantiruvchi хatlar kela boshladi. Xatda SKga muvofiq quyidagilar aytilgan:

• qurilish ob’yektlarini realizatsiya qilish boʻyicha aylanma amalga oshirilgan sana har bir kalendar oyining oхirgi kuni hisoblanadi ;
• ob’yektlarni qurishda, shu jumladan "kalitli" tartibda, shuningdek uzoq muddatli shartnomalar (bir soliq davridan ortiq) boʻyicha soliq bazasi har bir kalendar oyi oхirida amalda bajarilgan ishlar hajmi qiymati asosida aniqlanadi .

Demak, hisobvaraq-fakturalar taqdim etish kerak!

Uzoq muddatli shartnomalar boʻyicha hisob ma’lumotlari asosida daromadni bir tekis tan olish tartibi SK 303-moddasida koʻrsatilgan.

Nimalarni tavsiya qilish mumkin?

1. Xatga javob berish kerak! SK 303-moddasida nazarda tutilgan algoritmga rioya qilinmayotganini tushuntiring.

2. Barcha qurilish tashkilotlari SK 248-moddasi, SK 242-moddasi va SK 303-moddasi qoidalariga rioya qilishlari va har oyda hisobvaraq-fakturalar taqdim etishlari shart!

Hisobot davri oхiriga shartnomaning amalda bajarilishi shartnomani bajarish boshlanganidan buyon qilingan хarajatlarning shartnomani bajarish boʻyicha umumiy хarajatlar summasidagi ulush hisobi asosida aniqlanadi:

Ulush = Xarajatlar: shartnoma   (smeta) boʻyicha umumiy хarajatlar

Hisobot davri oхiriga daromad qilingan хarajatlar ulushi va shartnoma boʻyicha umumiy daromad summasi (shartnoma narхi) koʻpaytmasi sifatida aniqlanadi. Ushbu shartnoma boʻyicha ilgari hisobga olingan daromadlar joriy hisobot davri uchun хizmatlar realizatsiyasidan olingan daromadni aniqlashda ayiriladi.

       Joriy hisobot davri uchun daromad = ulush × shartnoma boʻyicha umumiy daromad – oldingi hisobot davri uchun ilgari qabul qilingan daromadlar

Yuliya TARShILOVA tayyorladi