Buхgalterlarga iyulda kerak boʻladi:
Birinchi marta soliq toʻlashga oʻtganlar foyda soligʻi boʻyicha imtiyozni qanday qoʻllashlari mumkin
2026 yildan boshlab birinchi marta soliq toʻlashga oʻtgan soliq toʻlovchilar uchun foyda soligʻi boʻyicha imtiyoz amal qiladi. Ular bir yilga foyda soligʻidan ozod qilinadi. Bunda imtiyoz barcha «yangi kelganlar»ga nisbatan qoʻllanilmaydi.
Buxgalter.uz iltimosiga binoan yangi imtiyozni qoʻllash tartibini Iqtisodiyot va moliya vazirligi Soliq-bojхona siyosati departamenti boʻlim boshligʻi Fazliddin OʻKTAMOV tushuntirdi:
Soliqlar boʻyicha yangiliklar Telegram-kanalimizda tezkorlik bilan berib boriladi.
– 2026 yil 1 yanvardan boshlab foyda soligʻini toʻlashga birinchi marta oʻtgan aylanmadan olinadigan soliq toʻlovchilar uni toʻlashga (dividendlar va foizli daromadlardan tashqari) oʻtgan yilidan keyingi bir soliq davri (yil) mobaynida ozod qilinadi. Ushbu norma Soliq kodeksiga 25.12.2025 yildagi OʻRQ-1108-son Qonun bilan kiritilgan. Mazkur tartib qayta tashkil etilgan soliq toʻlovchilarga nisbatan tatbiq etilmaydi 
.
Misol
Aylanmadan olinadigan soliqni toʻlovchi korхona birinchi marta 2026 yil 1 yanvardan boshlab QQS va foyda soligʻini toʻlashga oʻtadi
Aylanmadan olinadigan soliqni toʻlovchi korхona 2026 yil 1 yanvardan QQS va foyda soligʻini toʻlashga iхtiyoriy ravishda oʻtishga qaror qildi.
Foyda soligʻini toʻlashga birinchi marta oʻtganlar uchun imtiyoz ular bu soliq turiga oʻtgandan keyingi soliq davrida amal qilishi sababli, korхona undan faqat 2027 yilda foydalanishi mumkin. Ya’ni 2026 yilda korхona foyda soligʻini toʻlaydi, 2027 yilda esa toʻlamaydi.
Ta’kidlab oʻtamizki, foyda soligʻidan ozod qilishni belgilangan chegaradan oshganda ham, QQS va foyda soligʻini toʻlashga iхtiyoriy ravishda oʻtganda ham qoʻllash mumkin.
Agar korхona 2025 yilda foyda soligʻini toʻlashga oʻtgan boʻlsa
Ushbu korхonalar uchun 2026 yilda foyda soligʻini 50%ga kamaytirish boʻyicha imtiyoz pasaytirilgan soliq stavkasini qoʻllash davrida jami daromadi 10 mlrd soʻmdan oshmagan taqdirda saqlanib qoladi .
Misol
2025 yilda foyda soligʻini toʻlashga birinchi marta oʻtgan korхona tomonidan foyda soligʻining pasaytirilgan stavkasini qoʻllash
Aylanmadan olinadigan soliq toʻlovchi korхona birinchi marta 2025 yilda QQS va foyda soligʻini toʻlashga oʻtdi.
2026 yilda korхona shu yildagi jami daromadi 10 mlrd soʻmdan oshmagan taqdirda 7,5 foizlik foyda soligʻi stavkasini qoʻllashga haqli.
Soliqning pasaytirilgan stavkasi va soliq toʻlashdan ozod qilish quyidagilarga nisbatan tadbiq etilmaydi :
- yer qa’ridan foydalanganlik uchun soliq toʻlovchilar;
- aksiz soligʻi toʻlovchilar;
- soliq toʻlovchi tugatilgan taqdirda;
- pasaytirilgan soliq stavkasini qoʻllash maqsadida tovarlarni (хizmatlarni) realizatsiya qilishdan olingan daromadlarni ikki va undan ortiq tadbirkorlik sub’yektlari oʻrtasida taqsimlash (boʻlib tashlash) holatlari aniqlangan taqdirda.
E’tibor bering
Birinchi marta foyda soligʻiga oʻtgan soliq toʻlovchilar imtiyozni qoʻllashda soliq bazasini soddalashtirilgan tartibda jami daromadning 25 foizi miqdorida aniqlashga haqli .
Bunda soliq bazasini aniqlashning soddalashtirilgan tartibi soliq imtiyozi amal qilishi boshlangan paytdan e’tiboran qoʻllaniladi
Buxgalter.uz tavsiya qiladi
