Pulsiz operatsiyalarda tovarlarni qanday hisobga olish kerak

Тавсияда:

– устав фондига ҳисса сифатида товарларнинг келиб тушиши;
– текинга;
– айирбошлаш бўйича;
– товарлар қарзи шартномаси бўйича;
– қарз олувчи олдин берилган қарзни қайтарганда;
– ҳисобга олинмаган, инвентаризация пайтида аниқланганда.

Устав фондига ҳисса сифатида товарларнинг келиб тушишини қандай ҳисобга олиш керак

Корхонанинг устав фондини шакллантириш (кўпайтириш)да корхона муассиси ўз ҳиссасини мол-мулк, товарлар билан тўлаши мумкин .

Устав фондига ҳисса сифатида киритилган товарни таъсисчилар (иштирокчилар) томонидан келишилган қиймат асосида ҳисобга олинг . Айрим ҳолатларда (уларни қуйида кўриб чиқамиз) уларнинг қийматини баҳолаш учун баҳолаш ташкилотини жалб қилиш зарур.

 Агар товарлар олишда шу билан боғлиқ харажатлар (божхона божлари, қопланмайдиган солиқлар ва йиғимлар, тайёрлаш ва етказиб бериш бўйича транспорт-тайёрлов харажатлари ва бошқалар) юзага келса, уларни олинган товарларнинг таннархига киритишади