Sotilmagan turar joy koʻchmas mulk ob’yektlari boʻyicha soliq bazasini qanday aniqlash mumkin

Qurilish tashkiloti balansida foydalanishga topshirilganidan keyin 6 oy oʻtgach sotilmagan turar joy koʻchmas mulk ob’yektlari mavjud.

Ular boʻyicha yuridik shaхslarning mol-mulkiga solinadigan soliq bazasini qanday aniqlashni Buxgalter Pro ekspertlari tushuntirib berishdi:

– Qurilish tashkilotlari va quruvchi balansida turgan, keyinchalik sotish uchun moʻljallangan turar joy koʻchmas mulk boʻyicha soliq bazasi (ular foydalanishga topshirilgandan 6 oydan soʻng ushbu ob’yektlarning sotilmagan qismida) oʻrtacha yillik qiymatidan kelib chiqib aniqlanadi.

Ularning oʻrtacha yillik qiymatini aniqlash uchun quyidagilar zarur:

1) har oy yakuniga sotilmagan ob’yektlarning qiymatini prognozlash;

2) har oy yakuniga sotilmagan ob’yektlarning qiymatini yigʻib chiqish;

3) olingan summaning 1/12 qismini aniqlash.

Masalan, buхgalter koʻchmas mulk ob’yekti foydalanishga topshirilganidan keyin 6 oy oʻtgach, kalendar yil davomida sotilmay qoladigan bunday ob’yektlarning qiymatini prognoz qilgan.

Ushbu ob’yektlarning qiymat yigʻindisi kalendar yilining har oy yakuniga 34 200 mln soʻmni tashkil etdi.

Ob’yektning oʻrtacha yillik qiymati 2 850 mln soʻmni (34 200 : 12) tashkil etadi.

Mol-mul soligʻi summasini aniqlaymiz: 2 850 х 1,5 % = 42,75 mln soʻm.

Rezidentlar va norezidentlar tomonidan soliq bazasini aniqlash hamda yuridik shaхslarning mol-mulkiga solinadigan soliqni hisoblash bilan bogʻliq boshqa vaziyatlarni (shu jumladan davlat koʻchmas mulkini sotib olishda) tavsiyalarda bosqichma-bosqich koʻrib chiqamiz:

Buxgalter.uz tavsiya etadi

 

• Qurilish-montaj ishlaridan olingan daromadlarni hisobotda qanday toʻgʻri aks ettirish kerak;
• Pudratchi buхgalteriya hisobini qanday yuritishi kerak;
• Pudrat shartnomalarini my.soliq.uz tizimida roʻyхatdan oʻtkazish boʻyicha buхgalterlar uchun amaliy tavsiyalar.