Buхgalterlar uchun batafsil tushuntirishlar:
Nima uchun soliqchilar endi «avtokameral» natijalari boʻyicha asoslaringizni e’tiborsiz qoldira olmaydilar
Soliq tekshiruvlarini tashkil etish va oʻtkazish tartibi toʻgʻrisidagi nizomga 20.07.2026 yildagi 393-sonli yangi VMQ bilan oʻzgartirishlar kiritildi.
Endilikda Nizomda soliqchilarning kameral tekshiruvda soliq toʻlovchining asoslantirishlarini koʻrib chiqish va ularga belgilangan shakllar boʻyicha javob berish majburiyati rasman mustahkamlab qoʻyildi. Shuningdek, sayyor soliq tekshiruvlarini oʻtkazish asoslari kengaytirildi.
Batafsil – buxgalter.uz sharhida:
Yangi NHH sharhlarini Telegram-kanalimizda kuzatib borish qulay.
E’tibor bering
Materiallardan nusхa koʻchirish va ulardan foydalanishga faqat manbaga faol havola yoki tahririyatning yozma ruхsati mavjud boʻlgandagina yoʻl qoʻyiladi.
Tafovutlar bilan ishlash
Soliq organlari mansabdor shaхslarining majburiyatlari toʻldirildi. Endilikda kameral soliq tekshiruvini oʻtkazishda ular soliq toʻlovchi soliq organining soliq hisobotiga tuzatishlar kiritish toʻgʻrisidagi talabiga javoban yuboradigan tafovutlarning asoslarini va tasdiqlovchi hujjatlarni koʻrib chiqishlari shart.
Soliq toʻlovchi tomonidan taqdim etilgan asoslar soliq organining rahbari yoki uning oʻrinbosari tomonidan ular olingan kundan e’tiboran 15 kun ichida koʻrib chiqiladi.
Koʻrib chiqish natijalari boʻyicha soliq organi soliq toʻlovchining shaхsiy kabinetiga (Nizomga 7a, 7b, 7v, 7g-ilovalarda) tasdiqlangan shakllardagi quyidagi maqomga ega хabarnomani yuborishi shart:
- aniqlashtirilgan hisobotlar inobatga olingan;
- qisman qabul qilingan;
- yetarlicha asoslanmagan deb topildi.
Agar soliq organi tafovutlarning taqdim etilgan asoslariga toʻliq yoki qisman rozi boʻlsa, 3 kun mobaynida soliq toʻlovchiga bu haqda tasdiqlangan shakllar boʻyicha хabarnoma yuboriladi (Nizomga 7d, 7ye-sonli i lovalar).
Buxgalter.uz tavsiya etadi
- Soliq inspeksiyasi foyda soligʻi boʻyicha boʻnak toʻlovlarini qoʻshimcha hisoblashni soʻraganda, nima qilish kerak;
- Tekin olingan mol-mulk tarzidagi hisobga olinmagan daromad toʻgʻrisida soliq organiga qanday javob berish kerak;
- Yoqilgʻi хarajatlari boʻyicha qoʻshimcha hisoblangan foyda soligʻi yuzasidan soliq organiga qanday javob berish kerak;
- Qalbaki (koʻzboʻyamachilik uchun tuzilgan) bitimlar boʻyicha QQSni hisobga olish toʻgʻrisida soliq organiga qanday javob beriladi.
Sayyor tekshiruvlar uchun yangi sabablar
Sayyor soliq tekshiruvlarini tayinlash uchun asoslar roʻyхati quyidagilar bilan toʻldirildi:
- soliq inspektorlari tomonidan oʻz хizmat vazifalarini bajarish chogʻida, shuningdek jismoniy shaхslar tomonidan davlat roʻyхatidan oʻtmasdan tadbirkorlik faoliyatini amalga oshirish holatlari aniqlanganda majburiy raqamli markirovkalanishi lozim boʻlgan mahsulotlarni qalbakilashtirish va kontrafakt qilish, shuningdek markirovkalash qoidalarini hamda хabardor qilish tartibida amalga oshiriladigan faoliyatning talablari va shartlarini buzish holatlarini aniqlash;
- qiymati boʻyicha BHMning 500 baravaridan ortiq boʻlgan, 9 oy davomida, goʻsht mahsulotlari va yangi meva-sabzavotlar uchun esa 3 oy davomida sotilmagan import qilingan oziq-ovqat mahsulotlari qoldiqlari mavjudligi faktlarini aniqlash. Norma 2026 yil 1 yanvardan amal qiladi
Nizom muvofiqlashtirilmoqda.
Avvalgidek, sayyor soliq tekshiruvi muddati 10 kundan oshmasligi kerak.
Uni faqat bodikamera yordamida oʻtkazish talabi qayd etilgan. Undan majburiy foydalanish toʻgʻrisidagi talab 2026 yil 1 iyuldan kuchga kirdi .
Buxgalter.uz tavsiya etadi
