Янги ташкил этилган юридик шахс қандай қилиб ҚҚС тўловчи сифатида ҳисобга туриши мумкин

Солиқ солишнинг умумбелгиланган тизимини танлаган янгидан рўйхатдан ўтказилаётган тадбиркорлик субъектларини ДСҚнинг автоматлаштирилган тизими ҳисобга қўяди. Ҳозир у синов режимида ишламоқда, тўлақонли ишга тушириш жорий ҳафта якунига режалаштирилган. Буларнинг ҳаммаси қандай ишлашини buxgalter.uz илтимосига биноан ДСҚнинг ҚҚС маъмурчилиги бошқармаси мутахассиси Фурқат ҚЎШЧОНОВ гапириб берди:

- ҚҚС ва фойда солиғи тўлашни танлаган янгидан ташкил этилаётган юридик шахслар, давлат рўйхатидан ўтказилган кундан эътиборан рўйхатда олинади .

Тадбиркорлик субъекти-юридик шахснинг  давлат рўйхатидан ўтказиш тўғрисидаги аризаси ҚҚС тўловчи сифатида ҳисобга қўйиш учун асос бўлади (09.02.2017 йилдаги 66-сон ВМҚга 1-иловага 5-илова билан тасдиқланган шакл).

Бироқ бугунги кунда, зарур дастурий таъминот ҳали ишлаб чиқилиб, жорий этилаётганида, солиқ органлари ва солиқ тўловчилар белгиланган қоидалардан четга чиқишларига тўғри келмоқда.

Қандай қилиб давлат рўйхатидан ўтказилган кундан эътиборан ҚҚС тўловчи сифатида ҳисобга туриш мумкин

Тадбиркорлик субъекти давлат рўйхатидан ўтказилганлик тўғрисида гувоҳнома, СТИР ва юридик шахснинг ЭРИни олгандан кейин, у солиқ тўловчининг шахсий кабинети орқали рўйхатдан ўтказилган жойдаги солиқ органларига – ҚҚС тўловчи сифатида ҳисобга қўйиш тўғрисида ариза билан мурожаат қилиши керак.

Агар ҳали юридик шахснинг ЭРИ бўлмаса, корхона раҳбари бундай ариза бериши учун ўзининг шахсий жисмоний шахснинг ЭРИдан фойдаланиши мумкин. Бунинг учун у ўзининг солиқ тўловчи-жисмоний шахснинг шахсий кабинети орқали солиқ тўловчи-юридик шахснинг шахсий кабинетига кириши керак. Механизм ишлаши учун, раҳбар корхонанинг ҳисоб маълумотларида шу сифатда кўрсатилган бўлиши керак.

Эътиборингизни шунга жалб қилмоқчиманки, кўп солиқ тўловчилар ариза шаклини тўлдирган ҳолда ҚҚС тўловчилар сафига ихтиёрий ўтиш вариантини белгилайдилар. Натижада тизим автоматик тарзда юридик шахсни ҚҚС тўловчи сифатида рўйхатдан ўтказиш куни сифатида жорий ойдан кейинги ойнинг биринчи кунини қўяди. Танланган вариант (ихтиёрий ўтиш) учун – бу тўғри. Бироқ солиқ тўловчининг биринчи муносабати: - “Хато!”. Ва у вазиятдан чиқиш йўлини излайди, хусусан – солиқ органларининг барча қўнғироқ қилиш мумкин бўлган телефон рақамларига қўнғироқ қилади.

Муаммо жуда осон ҳал қилинади. Аризани (шакл ДСҚнинг 02.05.2020 йилдаги 3232-сон қарорига 2-илова билан тасдиқланган) тўлдиришда – “рўйхатдан ўтказилган пайтдан эътиборан” вариантини танлаш зарур. Бу ҳолда ҚҚС тўловчи сифатида рўйхатдан ўтказиш санаси сифатида тадбиркорлик субъектини давлат рўйхатидан ўтказилган кун кўрсатилади.

Ушбу тартиб яқин орада соддалаштирилади

ДСҚ солиқ органларига қўшимча аризалар юбормаслик имкониятини берадиган дастурий таъминот устида ишламоқда. Тадбиркорлик субъекти солиқ солишнинг умумбелгиланган тизимини танлаган ва рўйхатдан ўтиш учун шаклни (66-сон ВМҚга 1-иловага 5-илова билан тасдиқланган) тўлдирган ҳолда  ҚҚС тўловчи сифатида ҳам рўйхатдан ўтказилади.

Давлат хизматлари маркази ходими давлат рўйхатидан ўтказилганлик тўғрисидаги гувоҳномани бериш кунида хўжалик юритувчи субъектга тегишли код билан – ҚҚС тўловчи сифатида рўйхатдан ўтказилганлик тўғрисидаги гувоҳномани ҳам беради.

ДСҚ расмий сайти ва ижтимоий тармоқлар ва мессенжерлардаги ўз ресурслари орқали тизим ишга туширилганлиги тўғрисида қўшимча хабар беради.

Олег ГАЕВОЙ тайёрлади