Иш берувчи қандай қилиб талабгорнинг электрон меҳнат дафтарчасига кириш имкониятига эга бўлади

31 августа 2021 г.

Иш берувчида талабгорларнинг электрон меҳнат дафтарчаси билан танишиб чиқиш имконияти пайдо бўлди. Buxgalter.uz янги функционални синаб кўрди ва мавжуд йўриқномага аниқлик киритди.

Иш берувчи мазкур маълумотни фақатгина жисмоний шахс – меҳнат дафтарчаси эгасининг бевосита розилиги билан ва иштирокида олиши мумкин.

Талабгорга:

ЯММТ тизимида мобил телефон рақами ва электрон почта олдиндан текширинг. Баъзиларда мазкур маълумотлар умуман кўрсатилмаган, бошқаларида - эскирган бўлиши мумкин.

Ўзгартириш киритиш учун:

1. https://my.mehnat.uz/login сайтидаги “Жисмоний шахснинг кабинети”га киринг (OneIDда рўйхатдан ўтиш ёки жисмоний шахснинг ЭРИси зарур).

2. Шахсий маълумотларда ўз телефон рақамингизни кўрсатинг ёки янгиланг (электрон почта манзили).

3. Ўзгаришларни сақланг.

Агар ЯММТда телефон рақамлари тўғри кўрсатилган бўлса, бемалол суҳбатга боришингиз мумкин.

Иш берувчига:

Сиз талабгор Сизга унинг телефонига ёки электрон почтасига юборилган махфий кодни маълум қилгандан сўнг, унинг электрон меҳнат дафтарчасига кириш имкониятига эга бўласиз.

Мазкур кодни генерация қилиш учун:

1. https://my.mehnat.uz/login сайтида юридик шахснинг ЭРИси ёрдамида “Иш берувчининг кабинети”га киринг.

2. “Ташкилот кабинети” бўлимига ўтинг.

3. “Фуқаро тўғрисида маълумот олиш” ёрлиғини очинг.

4. Талабгорнинг ЖШШИР ёки СТИРини киритинг.

5.Талабгор ўзининг шахсий кабинетида кўрсатган мобил телефон рақами ёки электрон почта манзилини киритинг. Мазкур рақам ёки манзилга махфий код келади.

6. Талабгор Сизга кодини маълум қилгандан сўнг, уни тегишли йўлакка киритинг, ходимнинг меҳнат дафтарчасидан кўчирма очилади.

Қўшимча маълумот ёки техник кўмакни Телеграмм ёки қуйидаги телефон рақамлари орқали орқали олиш мумкин: (71) 200-70-30.

Манба га қаранг.

Олег ГАЕВОЙ тайёрлади