Кимлар 2024 йил учун молиявий ҳисоботни 2025 йил 1 мартгача топширмаслиги мумкин

2025 йилда ташкилотлар ўтган ҳисобот даври учун йиллик молиявий ҳисоботни молиявий ҳисоботнинг шакллари ва муддатларини тасдиқлаш тўғрисидаги янги 3567-сонли Низомга мувофиқ тақдим этадилар. Ҳужжат буни БҲМС учун 1 мартдан ёки МҲХС учун 1 майдан кечиктирмай амалга оширишни талаб қилади , ва унда солиқ тўловчиларнинг ҳеч қандай тоифалари учун истисно қилинмаган. Шу жумладан, Президентнинг 2022 йил 10 ноябрдаги ПҚ-419-сон қарори билан 2024 йил учун мажбурий молиявий ҳисоботи бекор қилинган қатъий миқдордаги айланмадан солиқ тўловчилар учун ҳам .

Buxgalter.uz илтимосига кўра, солиқ маслаҳатчиси Гулнора ЭРГАШЕВА вазият бўйича ўз фикрлари билан ўртоқлашди:

– Бу ҳолатда Президент қарори, юқори юридик кучга эга ҳужжат сифатида, кўринишидаги қарама-қаршиликка қарамай, Молия вазирлигининг Низомидан устунликка эга .

Шу боис қатъий миқдордаги айланмадан солиқ тўловчилар жарималар ва ҳисоб рақамларини блоклаш хавфисиз 2024 йил учун ҳисобот топширмаслик ҳуқуқидан фойдаланишлари мумкин. Буни солиқ органлари ҳам тасдиқлайди.

Бироқ биз молиявий ҳисобот топширишнинг бекор қилинишидан фойдалансангиз ҳам, 2024–2025 йилларда бухгалтерия ҳисобини ташлаб қўймасликни тавсия қиламиз. 2026 йил 1 январдан қатъий айланма солиғи бекор қилинади ва 2026 йил учун ҳисоботни барча топшириши керак бўлади. Агар бухгалтерия ҳисобини бутунлай ташлаб қўйсангиз, кейинчалик уни орқа сана билан тиклаш қийин бўлади.

Бундан ташқари, бухгалтерия ҳисоби маълумотлари дивидендларни ҳисоблаш ва бошқарув қарорларини қабул қилиш учун керак. Шунинг учун ҳар қандай ҳолатда ҳам бухгалтерия ҳисобини юритиш ва ҳисобот тузиш яхшироқ, фақат махсус режим бекор қилингунга қадар уни давлат органларига тақдим этмаслик керак.

Ҳисобот топшириш бўйича бекор қилиш ҳуқуқидан оқилона фойдаланиш ва узлуксиз бухгалтерия ҳисобини юритиш кичик бизнесга ҳисоб маълумотлари сифатини йўқотмасдан маъмурий юкламани камайтириш имконини беради.

Қатъий белгиланган солиқ тўловчиси бўлмаган юридик шахслар учун эса «2024 йил якуни бўйича молиявий ҳисоботни топширишга тайёрланамиз» материалини ўқиш қизиқарли бўлади.

Юлия ТАРШИЛОВА тайёрлади