МҲЭКМнинг 1 бараваридан кам иш ҳақи ҳисобланганлиги тўғрисида солиқ органи хабарномаси келганда нима қилиш керак

Солиқ органлари МҲЭКМга доир талабга риоя қилинишини назорат қилади. Агар сизнинг ЖШДС бўйича ҳисоботингизда меҳнатга ҳақ тўлашнинг энг кам миқдоридан кам даромад олган ходимлар аниқланган бўлса, тушунтириш бериш ёки аниқлаштирилган ҳисоб-китобни тақдим этиш талаби билан хабарномани кутинг.

Сизда солиқ органига жавоб бериш учун 10 кун вақт бор. Бу муддатга риоя қилмаслик камерал солиқ текширувини тайинлаш учун асос бўлади.

Жавоб хатида МҲЭКМнинг бир бараваридан кам иш ҳақи олган шахслар рўйхатини сабабини асослаган ҳолда келтиринг.

Бухгалтерлар МҲЭКМнинг 1 бараваридан кам иш ҳақи ҳисобланганлиги тўғрисида хабарнома олишига сабаб бўлган айрим вазиятлар.

1-вазият: Ходим ой ўртасида ишга қабул қилинди

Муаммо: Ходим 15-санада ишга кирди, ярим ой ишлаб берди ва МҲЭКМдан кам иш ҳақи олди.

Ечим: 4-илованинг 5-устунида ишга қабул қилиш санасини тўғри кўрсатган ҳолда ЖШДС ҳисоб-китобини қайта топшириш. Бу тўлиқ бўлмаган ойда ишланган вақтга мутаносиб равишда ҳақ тўланишини кўрсатади.

Мазкур вазиятдаги барча ҳаракатлар алгоритмини тавсияда ўқинг.

2-вазият: БЮДнинг 50-устунида ишонч билдирувчи  

Муаммо: Божхона юк декларациясини тўлдиришда ишонч билдирувчи кўрсатилади. Бу бошқа ташкилот –декларантнинг ходими бўлиши мумкинлигига қарамай, солиқ органлари бундай шахсларга МҲЭКМ ҳисоблашни талаб қила бошладилар.

Ҳуқуқбузарлар қаторига тушиб қолмаслик учун БЮДнинг 50-устунида ишонч билдирувчи ваколатларининг ҳужжатли асосини аниқ кўрсатинг. Солиқ органига жавобда ишонч билдирувчи ташкилот ходими эмаслигини, балки бошқа ташкилот билан тузилган шартнома асосида вазифаларни бажаришини тушунтиринг.

Мазкур вазиятда воқеаларнинг бошқача ривожланиши ҳам бўлиши мумкин.

Кимга МҲЭКМдан кам ҳақ тўлаш мумкин

Кўп нарса ҳужжатларни тўғри расмийлаштириш ва МК нормаларига мувофиқлигига боғлиқ:

• тўлиқ бўлмаган ставкада ишловчи ходимлар – ишланган вақтга мутаносиб равишда ҳақ тўлаш;
• ишбай ҳақ тўланадиган ходимлар – миқдор бажарилган иш ҳажмига боғлиқ;
• ўриндошлар – минимал миқдор вақтга мутаносиб равишда ҳисоблаб чиқарилади;
• ФҲХ шартномалар бўйича шахслар – ҳақ тўлашнинг минимал миқдори белгиланмаган.

Меҳнатга ҳақ тўлашнинг турли тизимларини қўллаш тафсилотлари ва уларнинг МҲЭКМ талабларига риоя қилишга таъсирини махсус материалда кўринг.

Солиқ органига жавобни қандай тузиш керак  

Қўшимча ҳисоблашдан қочиш учун жавоб қуйидагиларни ўз ичига олиши керак:

1. МҲЭКМдан кам даромадга эга барча шахслар рўйхати.
2. Қонунчилик нормаларига ҳаволалар билан сабабларни асослаш.
3. Ҳужжатли тасдиқномалар.

Барча зарур таърифлар билан хат матнини бу ерда юклаб олиш мумкин.