Вам могут понадобиться в апреле:
“Компания бино ичида таъмирлаш ишларини бажарди, витраж ойнали алюмин пардеворлар ишлаб чиқарди ва хоналар ўртасига ўрнатди, ишлаб чиқарилган алюмин эшиклар, пардеворларни санузелга ўрнатди ва ҳ.к. Ушбу харажатларни корхонанинг харажатларига киритиш керакми ёки бинонинг қийматига киритиладими?”.
Buxgalter.uz илтимосига биноан саволга “Норма” эксперти Ольга БУСАРОВА жавоб берди:
- Ўйлайманки, бу – давр харажатлари. Бироқ 5-сон БҲМС “Асосий воситалар” асосида сиз уларни ўзингизга қандай фойдали бўлса, шундай тарзда киритишингиз мумкин:
- АВга ўтказиладиган капитал қўйилмалар АВдан фойдаланишдан келгусида иқтисодий фойда олишни ошириш шартларида уларнинг бошланғич қийматини оширади. Келгусида олинадиган иқтисодий фойдани оширмайдиган бошқа барча харажатлар улар амалга оширилган даврдаги давр харажатлари сифатида тан олиниши лозим
; - маъмурий вазифаларни амалга ошириш учун мўлжалланган асосий воситалар бўйича барча турдаги таъмирлаш (жорий, ўртача, капитал тарзда) харажатлари - давр харажатлари таркибига киритилади .
- капитал таъмирлаш базавий ва корпус деталлари ва узелларини таъмирлаш, барча эскирган деталлар ва узелларни алмаштириш ёки тиклашдир .
Кўрганингиздек, келгуси фойда остида кўрсатилган харажатларни капитализация қилиш, яъни уларни бинонинг қийматига киритиш мумкин. Уларни - капитал тарзда таъмирлаш сифатида давр харажатларига киритиш ҳам мумкин, башарти ундан қўшимча фойда олишни кўзламасангиз. Бу ерда сизнинг профессионал мулоҳазангиз талаб этилади.
