Йил якунлари бўйича сув ресурсларидан фойдаланганлик учун солиқ қандай ҳисобланади ва тўланади

Тавсияда:

– сув солиғи бўйича якуний ҳисоб-китоб;
– солиқ ҳисоботини тақдим этиш;
– айрим солиқ тўловчилар учун тўлаш ва ҳисобот топширишнинг ўзига хос хусусиятлари.

Йил якунлари бўйича сув ресурсларидан фойдаланганлик учун солиқ қандай ҳисобланади

Сув ресурсларидан фойдаланганлик учун солиқни солиқ даври – календарь йил тугагач ҳақиқатда фойдаланилган сув ҳажмидан келиб чиққан ҳолда мустақил равишда ҳисобланг. Деҳқон хўжаликлари бундан мустасно: улар учун солиқ суммасини солиқ органлари аниқлайдилар .

Эътибор беринг

Календарь йил давомида бўнак тўловларни тўланг. Улар мўлжалланаётган солиқ базасидан (фойдаланиладиган сув ҳажмидан) ва белгиланган солиқ ставкаларидан келиб чиққан ҳолда ҳисобланади . 

Йил якунларига кўра сув солиғи суммасини қуйидаги формула бўйича аниқланг:

С = СБҳ х Ст,

бунда:
СБҳ – йил якунларига кўра ҳақиқий солиқ базаси;
Ст – солиқ ставкаси.