Ўзбекистон Республикасининг 22.12.2008 й. ЎРҚ-192-сон "Суғурта фаолияти тўғрисида"ги Ўзбекистон Республикаси Қонунига ўзгартиш ва қўшимчалар киритиш ҳақида"ги Қонуни (Қонунчилик палатаси томонидан 30.10.2008 й. қабул қилинган, Сенат томонидан 04.12.2008 й. маъқулланган)

ЎЗБЕКИСТОН РЕСПУБЛИКАСИНИНГ

ҚОНУНИ

22.12.2008 й.

N ЎРҚ-192

"СУҒУРТА ФАОЛИЯТИ ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНИГА

ЎЗГАРТИШ ВА ҚЎШИМЧАЛАР КИРИТИШ ҲАҚИДА

Қонунчилик палатаси томонидан 2008 йил 30 октябрда қабул қилинган

Сенат томонидан 2008 йил 4 декабрда маъқулланган

1-модда. Ўзбекистон Республикасининг 2002 йил 5 апрелда қабул қилинган "Суғурта фаолияти тўғрисида"ги 358-II-сонли Қонунига (Ўзбекистон Республикаси Олий Мажлисининг Ахборотномаси, 2002 йил, N 4-5, 68-модда; Ўзбекистон Республикаси Олий Мажлиси палаталарининг Ахборотномаси, 2006 йил, N 10, 536-модда; 2007 йил, N 9, 415-модда; 2008 йил, N 4, 192-модда) қуйидаги ўзгартиш ва қўшимчалар киритилсин:

1) 6-1-модданинг биринчи қисми:

қуйидаги мазмундаги бешинчи хатбоши билан тўлдирилсин.

"қимматли қоғозлар бозорида инвестиция воситачиси сифатида профессионал фаолиятни амалга ошириш. Бунда мазкур фаолият турини амалга ошириш учун суғурталовчининг лицензия олиши талаб қилинмайди";

бешинчи - ўн бешинчи хатбошилари тегишинча олтинчи - ўн олтинчи хатбошилар деб ҳисоблансин;

2) 10-модданинг иккинчи қисми:

олтинчи хатбошиси қуйидаги таҳрирда баён этилсин:

"суғурталовчининг, суғурта брокерининг раҳбарига ва бош бухгалтерига қўйиладиган малака талабларини белгилайди";

қуйидаги мазмундаги тўққизинчи хатбоши билан тўлдирилсин;

"суғурта фаолияти тўғрисидаги қонун ҳужжатлари, шу жумладан, белгиланган иқтисодий нормативлар суғурталовчи томонидан бузилганлиги учун суғурталовчининг устав фонди энг кам миқдорининг 0,1 фоизигача миқдорда белгиланган тартибда жарима солади";

тўққизинчи - ўн бешинчи хатбошилари тегишинча ўнинчи - ўн олтинчи хатбошилар деб ҳисоблансин;

3) 12-модданинг биринчи қисмидаги "Ўзбекистон Республикаси Вазирлар Маҳкамаси томонидан" деган сўзлар "қонун ҳужжатлари билан" деган сўзлар билан алмаштирилсин.

2-модда. Ушбу Қонун расмий эълон қилинган кундан эътиборан кучга киради.

Ўзбекистон Республикаси Президенти                                     И. Каримов

"Халқ сўзи", 2008 йил 23 декабрь

"Ўзбекистон Республикаси қонун ҳужжатлари тўплами", 2008 йил, 52-сон, 508-модда

"Ўзбекистон Республикаси Олий Мажлиси палаталарининг Ахборотномаси", 2008 йил, 12-сон, 635-модда