Ўзбекистон Республикасининг 11.12.2008 й. ЎРҚ-187-сон "Умумий ҳарбий мажбурият ва ҳарбий хизмат тўғрисида"ги Ўзбекистон Республикаси Қонунининг 18 ва 19-моддаларига ўзгартишлар киритиш ҳақида"ги Қонуни (Қонунчилик палатаси томонидан 02.12.2008 й. қабул қилинган, Сенат томонидан 04.12.2008 й. маъқулланган)
ЎЗБЕКИСТОН РЕСПУБЛИКАСИНИНГ
ҚОНУНИ
11.12.2008 й.
N ЎРҚ-187
"УМУМИЙ ҲАРБИЙ МАЖБУРИЯТ ВА ҲАРБИЙ
ХИЗМАТ ТЎҒРИСИДА"ГИ ЎЗБЕКИСТОН
РЕСПУБЛИКАСИ ҚОНУНИНИНГ 18 ВА
19-МОДДАЛАРИГА ЎЗГАРТИШЛАР
КИРИТИШ ҲАҚИДА
Қонунчилик палатаси томонидан 2008 йил 2 декабрда қабул қилинган
Сенат томонидан 2008 йил 4 декабрда маъқулланган
1-модда. Ўзбекистон Республикасининг 2002 йил 12 декабрда қабул қилинган "Умумий ҳарбий мажбурият ва ҳарбий хизмат тўғрисида"ги 436-II-сонли Қонунига (Ўзбекистон Республикаси Олий Мажлисининг Ахборотномаси, 2002 йил, N 12, 217-модда; 2003 йил, N 9-10, 149-модда; 2005 йил, N 1, 18-модда; Ўзбекистон Республикаси Олий Мажлиси палаталарининг Ахборотномаси, 2006 йил, N 6, 262-модда; 2008 йил, N 9, 481-модда) қуйидаги ўзгартишлар киритилсин:
1) 18-модданинг учинчи қисмидаги "январь - март" деган сўзлар "апрель - июнь" деган сўзлар билан алмаштирилсин;
2) 19-модданинг биринчи қисмидаги "йилига икки марта: апрель-май ва октябрь-ноябрь" деган сўзлар "йилига бир марта - февраль-март" деган сўзлар билан алмаштирилсин.
2-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти И. Каримов
"Халқ сўзи", 2008 йил 12 декабрь
"Ўзбекистон Республикаси қонун ҳужжатлари тўплами", 2008 йил, 50-сон, 491-модда
"Ўзбекистон Республикаси Олий Мажлиси палаталарининг Ахборотномаси", 2008 йил, 12-сон, 630-модда