Ўзбекистон Республикаси Вазирлар Маҳкамасининг 21.08.1995 й. 332-сон "Наманган вилоятининг Уйчи ва Учқўрғон туманлари ташкил этилганлигининг 60 йиллигини байрам қилишга тайёргарлик кўриш ва уни ўтказиш тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
21.08.1995 й.
N 332
НАМАНГАН ВИЛОЯТИНИНГ УЙЧИ
ВА УЧҚЎРҒОН ТУМАНЛАРИ ТАШКИЛ
ЭТИЛГАНЛИГИНИНГ 60 ЙИЛЛИГИНИ
БАЙРАМ ҚИЛИШГА ТАЙЁРГАРЛИК
КЎРИШ ВА УНИ ЎТКАЗИШ
ТЎҒРИСИДА
Наманган вилоятининг Уйчи ва Учқўрғон туманлари ташкил этилганлигининг 60 йиллиги муносабати билан Вазирлар Маҳкамаси ҚАРОР ҚИЛАДИ:
1. 1995 йил сентябрь ойининг биринчи ўн кунлигида Уйчи ва Учқўрғон туманлари ташкил этилганлигининг 60 йиллигини байрам қилишга бағишланган тантанали тадбирлар ўтказилсин.
2. Наманган вилояти ҳокимлиги:
Уйчи ва Учқўрғон туманларини 1995-96 йилларда ижтимоий-иқтисодий ривожлантириш ва ободонлаштириш бўйича комплекс чора-тадбирларни ўн кун муддатда ишлаб чиқсин ва амалга оширсин.
Объектлар қурилиши ва ободонлаштириш ишлари Наманган вилояти Уйчи ва Учқўрғон туманлари маҳаллий бюджетлари маблағлари ҳамда корхоналар, ташкилотлар ва ҳомийларнинг улуш қўшиб қатнашишлари ҳисобидан амалга оширилсин;
қишлоқ хўжалиги, ижтимоий соҳа, қурилиш, саноат ҳамда Уйчи ва Учқўрғон туманлари халқ хўжалиги бошқа тармоқларининг алоҳида ўрнак кўрсатган илғорларини мукофотлаш тўғрисида белгиланган тартибда таклиф киритсин.
3. Мазкур қарорнинг бажарилишин назорат қилиш Ўзбекистон Республикаси Вазирлар Маҳкамасининг ҳудудий-ташкилий бўлимига юклансин.
Вазирлар Маҳкамасининг Раиси И. Каримов