Ўзбекистон Республикаси Вазирлар Маҳкамасининг 05.03.2001 й. 112-сон "Ўзбекистон Республикаси Вазирлар Маҳкамасининг Ташқи иқтисодий алоқалар ва хорижий инвестициялар департаменти ташкил этиш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.03.2001 й.

N 112

ЎЗБЕКИСТОН РЕСПУБЛИКАСИ ВАЗИРЛАР

МАҲКАМАСИНИНГ ТАШҚИ ИҚТИСОДИЙ

АЛОҚАЛАР ВА ХОРИЖИЙ ИНВЕСТИЦИЯЛАР

ДЕПАРТАМЕНТИНИ ТАШКИЛ ЭТИШ

ТЎҒРИСИДА

Экспорт салоҳиятини кенгайтириш, халқаро молия ва иқтисодий ташкилотлар билан алоқаларни мустаҳкамлаш, республикани ижтимоий-иқтисодий ривожлантиришнинг устувор йўналишларини ва дастурларини амалга ошириш учун хорижий инвестицияларни кенг жалб этиш бўйича ишларни ташкил этишни янада такомиллаштириш мақсадида Вазирлар Маҳкамаси ҚАРОР ҚИЛАДИ:

4. Белгилаб қўйилсинки, Ўзбекистон Республикаси вазирликлари ва идоралари мажбурий тартибда:

ташқи иқтисодий ва инвестиция фаолияти масалаларига тааллуқли норматив ҳужжатлар лойиҳаларини Макроиқтисодий ривожлантириш, таркибий ўзгартиришлар, хорижий инвестицияларни жалб этиш ва ҳудудларни комплекс ривожлантириш масалалари йиғма ахборот-таҳлил департаменти билан келишиб оладилар;

молиявий ва техникавий ёрдам кўрсатиш тўғрисида халқаро ташкилотлардан ва ихтисослашган хорижий агентликлардан сўровларни фақат Макроиқтисодий ривожлантириш, таркибий ўзгартиришлар, хорижий инвестицияларни жалб этиш ва ҳудудларни комплекс ривожлантириш масалалари йиғма ахборот-таҳлил департаменти орқали амалга оширадилар.

5. Макроиқтисодий ривожлантириш, таркибий ўзгартиришлар, хорижий инвестицияларни жалб этиш ва ҳудудларни комплекс ривожлантириш масалалари йиғма ахборот-таҳлил департаменти:

Ўзбекистон Республикаси Президентининг фармонлари ва фармойишлари, Вазирлар Маҳкамасининг қарорлари ва фармойишлари, Ҳукуматнинг бошқа қарорлари мажбурий тартибда жўнатиладиган ташкилотлар рўйхатига;

Ўзбекистон Республикаси Давлат статистика қўмитаси, Давлат божхона қўмитаси, Молия вазирлиги, Марказий банки ва бошқа идораларининг статистик ахборотномалари мажбурий тартибда жўнатиладиган реестрга киритилсин.

7. Ўзбекистон Республикаси Ҳукуматининг 3-иловага мувофиқ қарорлари ўз кучини йўқотган деб ҳисоблансин.

8. Мазкур қарорнинг бажарилишини назорат қилиш Ўзбекистон Республикасининг Бош вазири  Ў.Т.Султонов зиммасига юклансин.

Вазирлар Маҳкамасининг Раиси                                         И.Каримов