Ўзбекистон Республикаси Вазирлар Маҳкамасининг 12.11.2003 й. 504-сон "Энергетика текширувлари ва экспертизалари ўтказиш фаолиятини лицензиялаш тўғрисидаги низомни тасдиқлаш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

12.11.2003 й.

N 504

ЭНЕРГЕТИКА ТЕКШИРУВЛАРИ

ВА ЭКСПЕРТИЗАЛАРИ ЎТКАЗИШ

ФАОЛИЯТИНИ ЛИЦЕНЗИЯЛАШ

ТЎҒРИСИДАГИ НИЗОМНИ

ТАСДИҚЛАШ ҲАҚИДА

"Фаолиятнинг айрим турларини лицензиялаш тўғрисида"ги Ўзбекистон Республикаси Қонунининг 5-моддасига мувофиқ Вазирлар Маҳкамаси ҚАРОР ҚИЛАДИ:

1. Энергетика текширувлари ва экспертизалари ўтказиш фаолиятини лицензиялаш тўғрисидаги Низом иловага мувофиқ тасдиқлансин.

2. Электр энергетикада назорат бўйича давлат агентлиги икки ҳафта муддатда Лицензиялар бериш тўғрисида хулосалар тайёрлаш бўйича эксперт комиссия таркибини ва Комиссия тўғрисидаги низомни тасдиқласин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н.Тўлаганов зиммасига юклансин.

Ўзбекистон Республикасининг Бош вазири                              Ў.Султонов

"Ўзбекистон Республикаси Ҳукумати қарорлари тўплами", 2003 й., N 11, 116-модда.