Ўзбекистон Республикасининг 31.03.1990 й. 50-XII-сон "Ўзбекистон Республикаси Олий Совети Президиумининг Ўзбекистон Республикаси давлат бошқаруви органлари таркибидаги айрим ўзгартишлар тўғрисидаги фармонларини тасдиқлаш ҳақида"ги Қонуни

ЎЗБЕКИСТОН РЕСПУБЛИКАСИНИНГ

ҚОНУНИ

31.03.1990 й.

N 50-XII

ЎЗБЕКИСТОН РЕСПУБЛИКАСИ

ОЛИЙ СОВЕТИ ПРИЗИДИУМИНИНГ ЎЗБЕКИСТОН

РЕСПУБЛИКАСИ ДАВЛАТ БОШҚАРУВИ ОРГАНЛАРИ

ТАРКИБИДАГИ АЙРИМ ЎЗГАРИШЛАР ТЎҒРИСИДАГИ

ФАРМОНЛАРИНИ ТАСДИҚЛАШ ҲАҚИДА*

Ўзбекистон Республикаси Олий Совети ҚАРОР ҚИЛАДИ:

Ўзбекистон Республикаси Олий Совети Президиумининг қуйидаги Фармонлари тасдиқлансин:

"Ўзбекистон Республикасининг Тошкент шаҳрида қурилиш ишларини олиб борувчи Бош бошқармасини тузиш тўғрисида"ги 1989 йил 1 декабрь Фармони;

"Ўзбекистон Республикаси республика Қурилиш министрлиги ва Ўзбекистон Республикаси иттифоқ-республика Қурилиш ишлари давлат комитетини тузиш тўғрисида"ги 1989 йил 19 декабрь Фармони;

"Ўзбекистон Республикаси Нашриёт, полиграфия ва китоб савдоси ишлари давлат комитетининг номини Ўзбекистон Республикаси Матбуот давлат комитети деб ўзгартириш тўғрисида"ги 1990 йил 24 январь Фармони;

"Ўзбекистон Республикаси Халқ таълими министрлигини тугатиш ҳамда Ўзбекистон Республикаси Олий ва ўрта махсус таълим министрлиги ва Ўзбекистон Республикаси Халқ таълими министрлигини тузиш тўғрисида"ги 1990 йил 27 январь Фармони.

Ўзбекистон Республикаси

Олий Советининг Раиси                                                      М. Иброҳимов

*) Ўзбекистон Республикасининг 1991 йил 30 сентябрдаги 364-XII-сон Қонунига асосан "Ўзбекистон ССР" деган сўзлар "Ўзбекистон Республикаси" деган сўзлар билан алмаштирилган.