Ўзбекистон Республикаси Президенти ҳузуридаги Вазирлар Маҳкамасининг 25.07.1992 й. 349-сон "Ўзбекистон Республикаси Ташқи иқтисодий алоқалар вазирлиги масалалари тўғрисида"ги Қарори

ЎЗБЕКИСТОН РЕСПУБЛИКАСИ

ПРЕЗИДЕНТИ ҲУЗУРИДАГИ

ВАЗИРЛАР МАҲКАМАСИНИНГ

ҚАРОРИ

25.07.1992 й.

N 349

ЎЗБЕКИСТОН РЕСПУБЛИКАСИ

ТАШҚИ ИҚТИСОДИЙ АЛОҚАЛАР

ВАЗИРЛИГИ МАСАЛАЛАРИ

Ўзбекистон Республикаси Ташқи иқтисодий алоқалар вазирлигига Савдо-саноат палатасининг вазифалари юклатилганлиги муносабати билан Вазирлар Маҳкамаси ҚАРОР ҚИЛАДИ:

1. Белгилаб қўйилсинки, Ўзбекистон Республикаси Ташқи иқтисодий алоқалар вазирлиги Вазирлар Маҳкамасининг 1992 йил 26 мартдаги 147-сон қарорига мувофиқ ўз фаолиятини тугатган Савдо-саноат палатасининг ҳуқуқий вориси ҳисобланади.

2. Ташқи иқтисодий алоқалар вазирлигининг моддий негизини мустаҳкамлаш мақсадида Шароф Рашидов шохкўчаси, 16-уйдаги собиқ Савдо-саноат палатаси жойлашган, иш майдони 1316 кв. м., фойдали майдони 2613,5 кв. м. ва умумий ҳажми 17156 куб. м. бўлган 4 қаватли бино К-Т-60-1 маркали доимий кондиционер қурилмаси билан биргаликда Ўзбекистон Республикаси Ташқи иқтисодий алоқалар вазирлигига бепул берилсин.

Бериш-қабул қилиб олиш ишлари 1992 йил 1 январдаги қолдиқ баланс қиймати бўйича амалга оширилсин.

3. Ўзбекистон ССР Министрлар Советининг 1959 йил 11 декабрдаги 920-сон, 1985 йил 16 январдаги 18-сон қарорлари ўз кучини йўқотган деб ҳисоблансин.

Вазирлар Махкамаси Раисининг

биринчи ўринбосари                                                        И. Жўрабеков