Ўзбекистон Республикаси Вазирлар Маҳкамасининг 06.03.1999 й. 103-сон "Уй-жой, архитектура-шаҳарсозлик қонунчилигига риоя қилинишини назорат қилиш бўйича республика комиссияси тўғрисидаги низомни тасдиқлаш ҳақида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
06.03.1999 й.
N 103
УЙ-ЖОЙ, АРХИТЕКТУРА-ШАҲАРСОЗЛИК
ҚОНУНЧИЛИГИГА РИОЯ ҚИЛИНИШИНИ
НАЗОРАТ ҚИЛИШ БЎЙИЧА РЕСПУБЛИКА
КОМИССИЯСИ ТЎҒРИСИДАГИ НИЗОМНИ
ТАСДИҚЛАШ ҲАҚИДА
Вазирлар Маҳкамаси ҚАРОР ҚИЛАДИ:
1. Илова қилинаётган Уй-жой, архитектура-шаҳарсозлик қонунчилигига риоя қилинишини назорат қилиш бўйича Республика комиссияси тўғрисидаги Низом тасдиқлансин.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари уй-жой, архитектура-шаҳарсозлик қонунчилигига риоя қилинишини назорат қилиш бўйича ҳудудий комиссиялар тўғрисидаги низомларни икки ҳафта муддатда ишлаб чиқсинлар ва тасдиқласинлар.
3. Мазкур қарорнинг бажарилишини назорат қилиш Бош вазир ўринбосари Б.С. Ҳамидов зиммасига юклансин.
Ўзбекистон Республикасининг Бош вазири Ў. Султонов