Марказий банк Бошқарувининг 268-В-сон, Иқтисодиёт вазирлигининг 64-сон, Молия вазирлигининг 94-сон, Давлат божхона қўмитасининг 01-02/19-22-сон "Импорт шартномаларини ҳисобга қўйиш ва улар тўловини хўжалик субъектларининг ўз маблағлари ҳисобидан амалга ошириш тартиби тўғрисида низомни тасдиқлаш ҳақида"ги 24.09.2005 й. Қарори (АВ томонидан 04.10.2005 й. 1514-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

04.10.2005 й.

N 1514

ҚАРОРИ

Импорт шартномаларини ҳисобга қўйиш

ва улар тўловини хўжалик субъектларининг ўз

маблағлари ҳисобидан амалга ошириш тартиби

тўғрисидаги низомни тасдиқлаш ҳақида

(2005 йил 14 октябрдан кучга киради)

Ўзбекистон Республикасининг "Валютани тартибга солиш тўғрисида"ги Қонуни, Ўзбекистон Республикаси Вазирлар Маҳкамасининг 1996 йил 13 мартдаги 95-сонли "Ташқи савдо операцияларини амалга оширилганда чет эл валютасидаги маблағларни ишлатилиши устидан назорат ўтказишни янада такомиллаштириш чора-тадбирлари тўғрисида", 2003 йил 30 сентябрдаги 416-сонли "Экспорт-импорт операцияларининг мониторингини ўтказишни янада такомиллаштириш чора-тадбирлари тўғрисида" қарорлари ва бошқа қонунчилик ҳужжатларига мувофиқ Ўзбекистон Республикаси Марказий банки Бошқаруви, Иқтисодиёт вазирлиги, Молия вазирлиги ва Давлат божхона қўмитаси ҚАРОР ҚИЛАДИ:

1. Илова қилинаётган "Импорт шартномаларини ҳисобга қўйиш ва улар тўловини хўжалик субъектларининг ўз маблағлари ҳисобидан амалга ошириш тартиби тўғрисида"ги низом тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган санадан ўн кун ўтгач кучга киритилсин.

"Ўзбекистон Республикаси қонун ҳужжатлари тўплами", 2005 йил, 40-сон, 309-модда.