Божхона юк декларацияларини тузатиш, қайта расмийлаштириш ва бекор қилиш Тартиби (АВ томонидан 07.02.2000 й. 890-сон билан рўйхатга олинган Давлат божхона қўмитасининг 26.01.2000 й. 02/15-10-сон билан тасдиқланган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

07.02.2000 й.

N 890

ЎЗБЕКИСТОН РЕСПУБЛИКАСИ

ДАВЛАТ БОЖХОНА ҚЎМИТАСИ

ТОМОНИДАН ТАСДИҚЛАНГАН

26.01.2000 й.

N 02/15-10

Мазкур Тартиб рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Божхона юк декларацияларини тузатиш,

қайта расмийлаштириш ва бекор қилиш

ТАРТИБИ

Ушбу Тартиб "Давлат божхона хизмати тўғрисида", "Бож тарифи тўғрисида"ги қонунлар, Ўзбекистон Республикаси Фуқаролик кодекси, Ўзбекистон Республикаси Вазирлар Маҳкамасининг 1997 йил 30 июлдаги "Ўзбекистон Республикаси Давлат божхона қўмитаси фаолиятини ташкил қилиш масалалари тўғрисида"ги 374-сон қарорига мувофиқ ишланган ва товарлар божхонада расмийлаштирилиб, муайян божхона режими остига қўйилганидан кейин божхона юк декларацияларини (БЮД) тузатиш, қайта расмийлаштириш ва бекор қилиш, шунингдек, БЮД республика ахборот базасига тегишли ўзгартишлар киритиш тартибини белгилайди.

1. УМУМИЙ ҚОИДАЛАР

1.1. Мазкур Тартибда қуйидаги тушунчадаги атамалар ва таърифлар қўлланилади:

- декларант (товар эгаси) - товарлар ва транспорт воситаларига нисбатан ваколатларга эга ҳамда уларни ўз номидан декларациялайдиган, божхона органларига тақдим этадиган ва берадиган юридик ёки жисмоний шахс;

- БЮДдаги хато - декларациялашга берилган бирламчи ҳужжатлардаги ахборот билан БЮДдаги маълумотлар орасидаги тафовут;

- БЮДни тузатиш - БЮДга ўзгартишлар ва қўшимчалар киритиш;

- БЮДга ўзгартириш киритиш - БЮДда аввал ёзилган маълумотларга БЮДни қайта