Ўзбекистон Республикаси Олий Кенгашининг 06.05.1993 й. 838-XII-сон "Сув ва сувдан фойдаланиш тўғрисида"ги Ўзбекистон Республикаси Қонунини амалга киритиш тартиби ҳақида"ги Қарори

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

06.05.1993 й.

N 838-XII

“СУВ ВА СУВДАН ФОЙДАЛАНИШ ТЎҒРИСИДА”ГИ

ЎЗБЕКИСТОН РЕСПУБЛИКАСИ ҚОНУНИНИ

АМАЛГА КИРИТИШ ТАРТИБИ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

1. “Сув ва сувдан фойдаланиш тўғрисида”ги Ўзбекистон Республикаси Қонуни эълон қилинган пайтдан эътиборан амалга киритилсин.

2. Ўзбекистон Республикаси Вазирлар Маҳкамасига уч ойлик муддат ичида:

Ўзбекистон Республикаси Ҳукумати қарорларини “Сув ва сувдан фойдаланиш тўғрисида”ги Ўзбекистон Республикаси Қонунига мувофиқлаштириш;

Ўзбекистон Республикасининг қонун ҳужжатларини “Сув ва сувдан фойдаланиш тўғрисида”ги Ўзбекистон Республикаси Қонунига мувофиқлаштиришга оид таклифлари Ўзбекистон Республикаси Олий Кенгашига тақдим этиш вазифалари топширилсин;

3. Белгилаб қўйилсинки, Ўзбекистон Республикаси қонунлари “Сув ва сувдан фойдаланиш тўғрисида”ги Ўзбекистон Республикаси Қонунига мувофиқлаштирилгунга қадар Ўзбекистон Республикасининг ушбу Қонунга зид бўлмаган амалдаги қонун ҳужжатлари қўлланилаверади.

4. 1972 йил 9 июнда қабул қилинган “Ўзбекистон Республикасининг Сув тўғрисидаги кодексини тасдиқлаш ҳақида”ги Ўзбекистон Республикаси Қонуни (Ўзбекистон Республикаси Олий Советининг Ведомостлари, 1972 йил, 17-сон, 158-модда) ўз кучини йўқотган деб ҳисоблансин.

Ўзбекистон Республикаси

Олий Кенгашининг Раиси                                                    Ш. Йўлдошев

Ўзбекистон Республикаси Олий Кенгашининг Ахборотномаси, 1993 йил, 5-сон, 222- модда.