Давлат мулкини бошқариш давлат қўмитасининг 29.04.2009 й. 01/23-18/10-сон "Давлат мулки объектларини аукционда ва танлов бўйича хусусийлаштириш тўғрисидаги Вақтинчалик низомни ўз кучини йўқотган деб топиш ҳақида"ги Қарори (АВ томонидан 08.05.2009 й. 54-2-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

08.05.2009 й.

N 54-2

ЎЗБЕКИСТОН РЕСПУБЛИКАСИ

ДАВЛАТ МУЛКИНИ БОШҚАРИШ

ДАВЛАТ ҚЎМИТАСИНИНГ

29.04.2009 й.

N 01/23-18/10

ҚАРОРИ

Давлат мулки объектларини аукционда ва танлов

бўйича хусусийлаштириш тўғрисидаги Вақтинчалик

низомни ўз кучини йўқотган деб топиш ҳақида

(2009 йил 18 майдан кучга киради)

Ўзбекистон Республикаси Вазирлар Маҳкамасининг 2009 йил 29 январдаги 27-сонли "Давлат активларини сотиш тартибини янада такомиллаштириш чора-тадбирлари тўғрисида"ги (Ўзбекистон Республикаси қонун ҳужжатлари тўплами, 2009 йил, 6-сон, 51-модда) Қарорининг 4-бандига мувофиқ, Ўзбекистон Республикаси Давлат мулкини бошқариш давлат қўмитаси, ҚАРОР ҚИЛАДИ:

1. Ўзбекистон Республикаси Давлат мулки қўмитаси томонидан 1994 йил 17 майда тасдиқланган "Давлат мулки объектларини аукционда ва танлов бўйича хусусийлаштириш тўғрисида"ги Вақтинчалик низом (рўйхат рақами 54, 1994 йил 17 май) ўз кучини йўқотган деб ҳисоблансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Давлат мулкини бошқариш

давлат қўмитаси раиси                                                       Д.О. Мусаев

"Ўзбекистон Республикаси қонун ҳужжатлари тўплами", 2009 йил, 19-20-сон, 239-модда.