Жисмоний шахсларнинг мол-мулкига солинадиган солиқни ҳисоблаб чиқариш ва бюджетга тўлаш тартиби тўғрисида Йўриқнома (АВ томонидан 05.03.2002 й. 1103-сони билан рўйхатга олинган 16.01.2002 й. Молия вазирлигининг 16-сон, Давлат солиқ қўмитасининг 2002-19-сони қарори билан тасдиқланган)
Ўзбекистон Республикаси
Адлия вазирлигида
2002 йил 5 мартда 1103-сон
билан рўйхатга олинган
Ўзбекистон Республикаси
Молия вазирлигининг
Давлат солиқ қўмитасининг
2002 йил 16 январдаги
ТАСДИҚЛАНГАН
Мазкур Йўриқнома рус тилида тасдиқланган.
Ҳужжатнинг матни Норма газетаси ва ахборот-қидирув
тизими экспертлари томонидан ўзбек тилига таржима
қилинган ва ахборот тусига эга. Ноаниқликлар келиб
чиққанида меъёрий-ҳуқуқий ҳужжатнинг рус тилидаги
матнига қаранг.
Жисмоний шахсларнинг мол-мулкига
солинадиган солиқни ҳисоблаб чиқариш
ва бюджетга тўлаш тартиби тўғрисида
ЙЎРИҚНОМА
(Янги таҳрирда)
Мазкур Йўриқнома Ўзбекистон Республикасининг Солиқ кодексига, Ўзбекистон Республикасининг "Давлат солиқ хизмати тўғрисида"ги қонуни 7-моддасига мувофиқ ишлаб чиқилган.
1. Мазкур Йўриқнома жисмоний шахсларнинг мол-мулкига солинадиган солиқ бўйича бюджет билан ҳисоб-китоблар тартибини белгилайди.
2. Солиқ солинадиган мол-мулкка эга бўлган жисмоний шахслар мол-мулк солиғини тўловчилар ҳисобланади.
3. Жисмоний шахслар учун уларнинг мулки бўлган уй-жойлар, квартиралар, чорбоғ ва боғ уйлари, гаражлар ва бошқа
...