Ўзбекистон Республикаси Вазирлар Маҳкамасининг 01.11.1993 й. 526-сон "Юк жўнатувчилар, юк қабул қилувчилар ва темир йўлнинг юкларини ташиш бўйича мажбуриятларни бузганлик учун жавобгарликни кучайтириш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

01.11.1993 й.

N 526

ЮК ЖЎНАТУВЧИЛАР, ЮК ҚАБУЛ ҚИЛУВЧИЛАР

ВА ТЕМИР ЙЎЛНИНГ ЮКЛАРИНИ ТАШИШ

БЎЙИЧА МАЖБУРИЯТЛАРНИ БУЗГАНЛИК

УЧУН ЖАВОБГАРЛИКНИ КУЧАЙТИРИШ

ТЎҒРИСИДА

Транспорт тарифлари даражасининг жиддий ошганлиги муно-сабати билан ва юк жўнатувчилар, юк қабул қилувчилар ва темир йўлнинг юкларни ташиш бўйича мажбуриятларни бузганлик учун моддий жавобгарлигини ошириш мақсадида Вазирлар Маҳкамаси ҚАРОР ҚИЛАДИ:

1. СССР Министрлар Советининг 1964 йил 6 апрелдаги 270-сон қарори (СССР ҚТ, 1964 й., 5-сон, 36-модда; 1969 й., 18-сон, 105-модда, 1974 й., 17-сон, 99-модда; 1976 й., 9-сон, 42-модда; 1979 й., 13-сон, 86-модда; 1988 й., 28-сон, 77-модда) билан тасдиқланган ССР Иттифоқи темир йўллар Уставининг 50, 51, 92, 104, 118, 118-1, 144, 155, 155-1, 156, 156-1, 156-2, 157, 159, 159-1, 161, 163-моддаларида кўзда тутилган қоида бузилишлари учун Ўзбекистон Республикаси ҳудудида қўлланиладиган жарималарнинг миқдорлари 200 баравар оширилсин.

2. Белгилаб қўйилсинки, юкларни ташиш учун тарифлар даражаси ўзгарган тақдирда улар неча баравар ўзгарган бўлса, кўрсатилган моддаларда назарда тутилган жарима санкцияларининг миқдорлари ҳам тегишли равишда шунча баравар ўзгаради.

Ўзбекистон Республикасининг Бош вазири                                        А. Муталов