Парвозлар хавфсизлигини назорат қилиш давлат инспекцияси бошлиғининг 23.01.2014 й. 38-Н-сон "Ўзбекистон Республикасининг "Авиация техникасига техник хизмат кўрсатиш ташкилотларини сертификатлаш" авиация қоидалари (ЎзР АҚ-145ТХК)ни тасдиқлаш тўғрисида"ги буйруқни ўз кучини йўқотган деб топиш ҳақида"ги Буйруғи (АВ томонидан 28.01.2014 й. 1918-1-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
28.01.2014 й.
N 1918-1
ЎЗБЕКИСТОН РЕСПУБЛИКАСИ
ПАРВОЗЛАР ХАВФСИЗЛИГИНИ НАЗОРАТ
ҚИЛИШ ДАВЛАТ ИНСПЕКЦИЯСИ БОШЛИҒИНИНГ
23.01.2014 й.
N 38-Н
БУЙРУҒИ
Ўзбекистон Республикасининг
"Авиация техникасига техник хизмат кўрсатиш
ташкилотларини сертификатлаш" авиация қоидалари
(ЎзР АҚ-145ТХК)ни тасдиқлаш тўғрисида"ги буйруқни
ўз кучини йўқотган деб топиш ҳақида
Ўзбекистон Республикаси Вазирлар Маҳкамасининг 2013 йил 31 декабрдаги 354-сон "Ҳаво кемаларига техник хизмат кўрсатиш ташкилотига сертификат бериш тартиби тўғрисидаги низомни тасдиқлаш тўғрисида"ги қарорига (Ўзбекистон Республикаси қонун ҳужжатлари тўплами, 2014 й., 2-сон, 16-модда) мувофиқ БУЮРАМАН:
1. Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2009 йил 2 февралдаги 8-сон "Ўзбекистон Республикасининг "Авиация техникасига техник хизмат кўрсатиш ташкилотларини сертификатлаш" авиация қоидалари (ЎзР АҚ-145ТХК)ни тасдиқлаш тўғрисида"ги буйруғи (рўйхат рақами 1918, 2009 йил 7 март) (Ўзбекистон Республикаси қонун ҳужжатлари тўплами, 2009 й., 10-11-сон, 125-модда) ўз кучини йўқотган деб ҳисоблансин.
2. Мазкур буйруқ расмий эълон қилинган кундан эътиборан кучга киради.
Бошлиқ Т. Ўлжаев
"Ўзбекистон Республикаси қонун ҳужжатлари тўплами",
2014 йил 3 февраль, 5-сон, 63-модда