Қишлоқ ва сув хўжалиги вазирининг 13.09.2007 й. 170-сон "2007 йилда етиштирилган пахта хом ашёсини охиригача тўлиқ йиғиб-териб олишни қўшимча рағбатлантириш тўғрисидаги Вақтинчалик низомни тасдиқлаш ҳақида"ги Буйруғи (АВ томонидан 25.09.2007 й. 1720-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

25.09.2007 й.

N 1720

ЎЗБЕКИСТОН РЕСПУБЛИКАСИ

ҚИШЛОҚ ВА СУВ ХЎЖАЛИГИ ВАЗИРИНИНГ

13.09.2007 й.

N 170

БУЙРУҒИ

2007 йилда етиштирилган пахта хом ашёсини

охиригача тўлиқ йиғиб-териб олишни қўшимча

рағбатлантириш тўғрисидаги Вақтинчалик

низомни тасдиқлаш ҳақида

(2007 йил 5 октябрдан кучга киради)

Ўзбекистон Республикаси Вазирлар Махкамасининг 2003 йил 28 июндаги 290-сонли "Ўзбекистон Республикаси Қишлоқ ва сув хўжалиги вазирлиги фаолиятини ташкил этишни такомиллаштириш тўғрисида"ги қарорига асосан ҳамда 2007 йил ҳосили учун тузилган контрактация шартномасини бажарган қишлоқ хўжалиги корхоналарининг пахта йиғим-теримидан кейин далаларда қолган пахта хом ашёсини нобуд қилмаслик мақсадида БУЮРАМАН:

1. "2007 йилда етиштирилган пахта хом ашёсини охиригача тўлиқ йиғиб-териб олишни қўшимча рағбатлантириш тўғрисидаги вақтинчалик низом" иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киради.

Қишлоқ ва сув хўжалиги вазири                                           С. Исмоилов

"Ўзбекистон Республикаси қонун ҳужжатлари тўплами", 2007 йил, 39-сон, 406-модда.