Ўзбекистон алоқа ва ахборотлаштириш агентлиги бош директорининг 16.08.2006 й. 257-сон "Мобил алоқа хизматларини кўрсатиш қоидаларини тасдиқлаш тўғрисида"ги Буйруғи (АВ томонидан 14.10.2006 й. 1630-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.10.2006 й.

N 1630

ЎЗБЕКИСТОН

АЛОҚА ВА АХБОРОТЛАШТИРИШ

АГЕНТЛИГИ БОШ ДИРЕКТОРИНИНГ

16.08.2006 й.

N 257

БУЙРУҒИ

Мобил алоқа хизматларини кўрсатиш

қоидаларини тасдиқлаш тўғрисида

(2006 йил 3 ноябрдан кучга киради)

Ўзбекистон Республикасининг Фуқаролик кодекси ва "Телекоммуникациялар тўғрисида", "Истеъмолчиларнинг ҳуқуқларини ҳимоя қилиш тўғрисида", "Хўжалик юритувчи субъектлар фаолиятининг шартномавий-ҳуқуқий базаси тўғрисида"ги қонунларига мувофиқ мобил алоқадан фойдаланиш ва хизмат кўрсатиш тартиби ҳамда шартларини, мобил алоқа тармоғи операторлари ва фойдаланувчиларнинг ҳуқуқ ҳамда мажбуриятларини, шунингдек уларнинг жавобгарликларини белгилаш мақсадида, "Мобил алоқа хизматларини кўрсатиш қоидалари" ишлаб чиқилди.

Мазкур Қоидалар Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси билан келишилди.

"Мобил алоқа хизматларини кўрсатиш қоидалари"ни жорий қилиш мақсадида, БУЮРАМАН:

1. "Мобил алоқа хизматларини кўрсатиш қоидалари" иловага мувофиқ тасдиқлансин.

2. Мазкур Қоидалар Ўзбекистон Республикаси Адлия вазирлигида давлат рўйхатидан ўтказилганидан 20 кун муддат ўтгандан кейин кучга кириши белгилаб қўйилсин.

3. Ўзбекистон Республикасида фаолият кўрсатаётган ҳамда Мобил алоқа хизматларини кўрсатиш фаолияти билан шуғулланувчи хўжалик юритувчи субъектлар ўз фаолиятларида ушбу Қоидаларга қатъий риоя қилишлари белгилаб қўйилсин.

Ўзбекистон алоқа ва ахборотлаштириш

агентлиги Бош директори                                              А. Арипов

"Ўзбекистон Республикаси қонун ҳужжатлари тўплами", 2006 йил, 42-сон, 422-модда.