Банкларни қайта ташкил этиш тартиби тўғрисидаги Низом (АВ томонидан 23.07.1998 й. 456-сон билан рўйхатга олинган Марказий банк Бошқаруви томонидан 28.03.1998 й. 396-сон билан тасдиқланган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

23.07.1998 й.

N 456

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИ

ТОМОНИДАН ТАСДИҚЛАНГАН

28.03.1998 й.

N 396

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Банкларни қайта ташкил этиш

тартиби тўғрисидаги

НИЗОМ

Мазкур Низом Ўзбекистон Республикаси Фуқаролик Кодекси, Ўзбекистон Республикасининг "Банклар ва банк фаолияти тўғрисида", "Ўзбекистон Республикаси Марказий банки тўғрисида", "Акциядорлик жамиятлари ва акциядорлар ҳуқуқларини ҳимоя қилиш тўғрисида"ги қонунларига, бошқа қонунлар ва қонунчилик ҳужжатларига мувофиқ ишлаб чиқилган. Низом асосида Ўзбекистон Республикаси ҳудудидаги банкларни қайта ташкил этиш масалалари тартибга солинади.

1. УМУМИЙ ҚОИДАЛАР

1.1. Банкни қайта ташкил этиш акциядорлар (қатнашчилар) умумий йиғилишининг қарорига кўра қўшиб юбориш, бирлаштириш, бўлиш, ажратиб чиқариш ва қайта тузиш шаклларида Ўзбекистон Республикаси Марказий банки (кейинги ўринларда Марказий банк)дан рухсатнома олган ҳолда амалга оширилади.

Банкни қайта ташкил этишга Марказий банкнинг рухсати Вазирлар Маҳкамасининг 2014 йил 10 мартдаги 56-сон қарори билан тасдиқланган Банк фаолияти соҳасида рухсат бериш тартиб-таомилларидан ўтиш тартиби тўғрисидаги низомга мувофиқ берилади.

Банк Марказий банкнинг талабига кўра ҳам қайта ташкил этилиши мумкин.

1.2. Ягона муассиси давлат бўлган банкни қайта ташкил этиш Марказий банк билан келишилган ҳолда ҳукумат қарорига кўра амалга оширилади. Бу ҳолда қайта ташкил этилаётган банк раҳбарияти Марказий банкка мазкур Низомда белгиланган қайта ташкил этиш учун зарур бўлган барча ҳужжатларни тақдим этади.

1.3. Банк акциядорлари (қатнашчилари) умумий йи