Ўзбекистон Республикаси Президентининг 28.07.2003 й. ПФ-3284-сон "Жисмоний шахсларнинг нақд хорижий валютани олиб келиши ва олиб чиқиб кетишини тартибга солиш чора-тадбирлари тўғрисида" Ўзбекистан Республикаси Президентининг 1998 йил 20 мартдаги ПФ-1979-сон Фармонига ўзгартиришлар киритиш ҳақида"ги Фармони

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

28.07.2003 й.

N ПФ-3284

"ЖИСМОНИЙ ШАХСЛАРНИНГ НАҚД

ХОРИЖИЙ ВАЛЮТАНИ ОЛИБ КЕЛИШИ ВА

ОЛИБ ЧИҚИБ КЕТИШИНИ ТАРТИБГА СОЛИШ

ЧОРА-ТАДБИРЛАРИ ТЎҒРИСИДА" ЎЗБЕКИСТАН

РЕСПУБЛИКАСИ ПРЕЗИДЕНТИНИНГ 1998 ЙИЛ

20 МАРТДАГИ ПФ-1979-СОН ФАРМОНИГА

ЎЗГАРТИРИШЛАР КИРИТИШ ҲАҚИДА

Жисмоний шахслар томонидан нақд хорижий валютани олиб келиш ва олиб чиқиб кетиш операцияларини амалга ошириш тартибини эркинлаштириш мақсадида:

1. Белгилансинки, 2003 йилнинг 1 августидан бошлаб резидентларнинг республикадан ташқарига 2000 АҚШ долларига тенг миқдорда нақд хорижий валютани эркин олиб чиқиб кетишларига рухсат этилади.

2. "Жисмоний шахсларнинг нақд хорижий валютани олиб келиши ва олиб чиқиб кетишини тартибга солиш чора-тадбирлари тўғрисида" Ўзбекистон Республикаси Президентининг 1998 йил 20 мартдаги ПФ-1979-сон Фармони 1-бандининг иккинчи хатбоши қуйидаги таҳрирда баён этилсин:

"резидентларга - 2000 АҚШ долларига тенг миқдорда;"

3. Ўзбекистон Республикаси Адлия вазирлиги Марказий банк ва Давлат божхона қўмитаси билан бирга ўн кун муддатда вазирлик ҳамда идораларнинг норматив ҳужжатлари ушбу Фармонга мувофиқ ҳолга келтирилишини таъминласин.

4. Мазкур Фармоннинг ижросини назорат қилиш Ўзбекистон Республикаси Марказий банки раиси Ф.М. Муллажонов ва Ўзбекистон Республикаси Давлат божхона қўмитаси раиси Б.Р. Парпиев зиммасига юклатилсин.

Ўзбекистон Республикаси Президенти                                        И. Каримов