Ўзбекистон Республикаси Вазирлар Маҳкамасининг 31.08.1999 й. 408-сон "Сув ресурсларини тўплаш, экин майдонларини суғориш учун насос станцияларини электр билан таъминлаш ва истеъмол қилинадиган электр энергияси учун ҳисоб-китоб қилиш тартибини тасдиқлаш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

31.08.1999 й.

N 408

СУВ РЕСУРСЛАРИНИ ТЎПЛАШ,

ЭКИН МАЙДОНЛАРИНИ СУҒОРИШ УЧУН

НАСОС СТАНЦИЯЛАРИНИ ЭЛЕКТР БИЛАН

ТАЪМИНЛАШ ВА ИСТЕЪМОЛ ҚИЛИНАДИГАН

ЭЛЕКТР ЭНЕРГИЯСИ УЧУН ҲИСОБ-КИТОБ

ҚИЛИШ ТАРТИБИНИ ТАСДИҚЛАШ

ТЎҒРИСИДА

Ўзбекистон Республикаси Сув хўжалиги вазирлиги насос станцияларини электр билан узлуксиз таъминлаш, экин майдонларини суғориш учун фойдаланиладиган сув ресурсларини олиш ва тўплаш ҳамда фойдаланилган электр энергияси учун ҳисоб-китоб қилиш мақсадида Вазирлар Маҳкамаси ҚАРОР ҚИЛАДИ:

1. Сув ресурсларини тўплаш, экин майдонларини суғориш учун насос станцияларини электр билан таъминлаш ҳамда истеъмол қилинадиган электр энергияси учун ҳисоб-китоб қилиш тартиби иловага мувофиқ тасдиқлансин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Б.М. Олимжонов ва В.Й. Отаев зиммасига юклансин.

Ўзбекистон Республикасининг Бош вазири                             Ў. Султонов

"Ўзбекистон Республикаси Ҳукумати қарорлари тўплами", 1999 й., N 8, 49-модда.