Ўзбекистон Республикаси Вазирлар Маҳкамасининг 26.09.1994 й. 481-сон "Толимаржон ГРЭСидаги монтаж ишларини маблағ билан таъминлаш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

26.09.1994 й.

N 481

ТОЛИМАРЖОН ГРЭСИДАГИ МОНТАЖ

ИШЛАРИНИ МАБЛАҒ БИЛАН

ТАЪМИНЛАШ ТЎҒРИСИДА

Толимаржон ГРЭСининг 800 минг кВт қувватлик энергоблокида бажарилган монтаж ишлари учун "Мосэнергомонтаж" трести "Энергомонтаж" акционерлик жамиятининг ихтисослашган ташкилотларига қарзларни тўлаш мақсадида Вазирлар Маҳкамаси ҚАРОР ҚИЛАДИ:

1. Энергетика ва электрлаштириш вазирлиги вазирликка ажратилган 20 минг тонна пахта линтини "Хейлунцзянкоопвнешторг" фирмасига ва 100 минг тонна нефтни Россия Федерациясига сотишдан олинган валюта тушумининг 30 фоизини Ўзбекистон Республикаси Марказий банкига мажбурий сотишдан озод қилинсин.

2. Ўзбекистон Республикаси Энергетика ва электрлаштириш вазирлиги пахта линтини ва нефтни сотишдан олинган валюта тушуми Толимаржон ГРЭСидаги бажарилган монтаж ишлари учун "Энергомонтаж" акционерлик жамиятига қарзларини тўлашга мақсадли фойдаланилишини таъминласин.

3. Мазкур қарорнинг бажарилишини назорат қилиш Бош вазир ўринбосари Қ.Ж.Ҳаққулов зиммасига юклансин.

Вазирлар Маҳкамасининг Раиси                                                        И. Каримов