Меҳнат ва аҳолини ижтимоий муҳофаза қилиш вазирининг 30.07.2008 й. 27-сон "Ёлғиз кексалар, пенсионерлар ва ногиронларни Ўзбекистон Республикаси Меҳнат ва аҳолини ижтимоий муҳофаза қилиш вазирлиги тизимидаги Республика уруш ва меҳнат фахрийлари пансионати, "Саховат" ва "Мурувват" уйларига расмийлаштириш тартиби тўғрисидаги қоидаларни тасдиқлаш ҳақида"ги Буйруғи (АВ томонидан 29.08.2008 й. 1848-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

29.08.2008 й.

N 1848

ЎЗБЕКИСТОН РЕСПУБЛИКАСИ

МЕҲНАТ ВА АҲОЛИНИ ИЖТИМОИЙ

МУҲОФАЗА ҚИЛИШ ВАЗИРИНИНГ

30.07.2008 й.

N 27

БУЙРУҒИ

Ёлғиз кексалар, пенсионерлар ва ногиронларни Ўзбекистон

Республикаси Меҳнат ва аҳолини ижтимоий муҳофаза қилиш

вазирлиги тизимидаги Республика уруш ва меҳнат фахрийлари

пансионати, "Саховат" ва "Мурувват" уйларига расмийлаштириш

тартиби тўғрисидаги қоидаларни тасдиқлаш ҳақида

(2008 йил 8 сентябрдан кучга киради)

Ўзбекистон Республикасининг "Ўзбекистон Республикасида ногиронларни ижтимоий ҳимоя қилиш тўғрисида"ги Қонунига (Ўзбекистон Республикаси қонун ҳужжатлари тўплами, 2008 й., 29-30-сон, 277-модда) ва Ўзбекистон Республикаси Президентининг 2007 йил 6 апрелдаги ПҚ-616 сонли "Аҳоли бандлигини ошириш ҳамда меҳнат ва аҳолини ижтимоий муҳофаза қилиш органлари фаолиятини такомиллаштириш чора-тадбирлари тўғрисида"ги қарорига (Ўзбекистон Республикаси қонун ҳужжатлари тўплами, 2007 й., 15-сон, 156-модда) асосан БУЮРАМАН:

1. Ёлғиз кексалар, пенсионерлар ва ногиронларни Ўзбекистон Республикаси Меҳнат ва аҳолини ижтимоий муҳофаза қилиш вазирлиги тизимидаги Республика уруш ва меҳнат фахрийлари пансионати, "Саховат" ва "Мурувват" уйларига расмийлаштириш тартиби тўғрисидаги қоидалар иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтган кундан бошлаб ўн кундан кейин кучга киради.

Меҳнат ва аҳолини ижтимоий

муҳофаза қилиш вазири в.б.                                                         А. Ҳаитов

"Ўзбекистон Республикаси қонун ҳужжатлари тўплами", 2008 йил, 35-36-сон, 353-модда.