Ўзбекистон Республикаси Президентининг 12.10.2006 й. ПФ-3808-сон "2006 йилнинг 1 ноябридан бошлаб иш ҳақи, пенсиялар, стипендиялар ва ижтимоий нафақалар миқдорини ошириш тўғрисида"ги Фармони бўйича пенсияларни қайта ҳисоблаш тартиби тўғрисида Йўриқнома (АВ томонидан 27.10.2006 й. 1632-сон билан рўйхатга олинган МАИМҚВ 26.10.2006 й. М-1-сон ва МВ 93-сон қарори билан тасдиқланган)

Ўзбекистон Республикаси

Адлия вазирлигида

2006 йил 27 октябрда 1632-сон

билан рўйхатга олинган

Ўзбекистон Республикаси

МАИМҚВ ва МВнинг

2006 йил 26 октябрдаги

М-1, 93-сон қарори билан

ТАСДИҚЛАНГАН

Мазкур Йўриқнома рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Ўзбекистон Республикаси Президентининг

2006 йил 12 октябрдаги ПФ-3808-сон

"2006 йилнинг 1 ноябридан бошлаб иш ҳақи, пенсиялар,

стипендиялар ва ижтимоий нафақалар миқдорини

ошириш тўғрисида"ги Фармони бўйича пенсияларни

қайта ҳисоблаш тартиби тўғрисида

ЙЎРИҚНОМА

Мазкур Йўриқнома Ўзбекистон Республикаси Президентининг 2006 йил 12 октябрдаги ПФ-3808-сон "2006 йилнинг 1 ноябридан бошлаб иш ҳақи, пенсиялар, стипендиялар ва ижтимоий нафақалар миқдорини ошириш тўғрисида"ги Фармонининг 4-бандига мувофиқ қайта ҳисоблаш тартибини белгилайди.

1. Юқорида айтилган Фармонга мувофиқ 2006 йилнинг 1 ноябридан бошлаб қуйидаги энг кам миқдорлар белгиланди:

а) иш ҳақи - ойига 12420 сўм;

б) ёшга доир пенсиялар - ойига 24600 сўм;

в) болалигидан ногиронларга бериладиган нафақа - ойига 24600 сўм;

г) пенсия тайинлаш учун зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа - ойига 14900 сўм.

2. Пенсияни ҳисоблаш учун энг кам иш ҳақининг етти карра миқдоридан ошмайдиган суммадаги иш ҳақи (12420 сўм х 7 = 86940 сўм) олинади.