Давлат мулкини бошқариш ва тадбиркорликни қўллаб-қувватлаш давлат қўмитасининг 01/06-19/1-сон, Молия вазирлигининг 30-сон, Давлат статистика қўмитасининг 18-03-09/184-сон, Иқтисодиёт вазирлиги ҳузуридаги Иқтисодий ночор корхоналар ишлари қўмитасининг 4-сон "Ўзбекистон Республикаси Давлат мулки қўмитаси, давлат статистика қўмитаси, Молия вазирлиги ва Иқтисодиёт вазирлиги ҳузуридаги Иқтисодий ночор корхоналар ишлари қўмитаси ўртасида давлат унитар корхоналари, устав фондида давлат улуши бўлган хўжалик жамиятлари, давлат улуши бўйича давлат бюджетига дивидендлар ҳисобланиши ва тушиши ҳақида маълумот алмашиш тартиби тўғрисидаги низомни тасдиқлаш ҳақида"ги 02.02.2005 й. Қарори (АВ томонидан 10.03.2005 й. 1456-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

10.03.2005 й.

N 1456

ҚАРОРИ

Ўзбекистон Республикаси Давлат мулки қўмитаси,

давлат статистика қўмитаси, Молия вазирлиги ва

Иқтисодиёт вазирлиги ҳузуридаги Иқтисодий ночор

корхоналар ишлари қўмитаси ўртасида давлат унитар

корхоналари, устав фондида давлат улуши бўлган

хўжалик жамиятлари, давлат улуши бўйича давлат

бюджетига дивидендлар ҳисобланиши ва тушиши

ҳақида маълумот алмашиш тартиби тўғрисидаги

низомни тасдиқлаш ҳақида

(2005 йил 20 мартдан кучга киради)

Ўзбекистон Республикаси Вазирлар Маҳкамасининг 2004 йил 25 июндаги 295-сонли "Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссияси фаолиятини ташкил этиш тўғрисида"ги қарорини (Ўзбекистон Республикаси Қонун ҳужжатлари тўплами, 2004 й., 26-сон, 298-модда) ижро этиш мақсадида Ўзбекистон Республикаси давлат мулкини бошқариш ва тадбиркорликни қўллаб-қувватлаш Давлат қўмитаси, Ўзбекистон Республикаси Молия вазирлиги, Ўзбекистон Республикаси Давлат статистика қўмитаси, Ўзбекистон Республикаси Иқтисодиёт вазирлиги ҳузуридаги Иқтисодий ночор корхоналар ишлари қўмитаси ҚАРОР ҚИЛАДИЛАР:

1. Ўзбекистон Республикаси Давлат мулки қўмитаси, Давлат статистика қўмитаси, Молия вазирлиги ва Иқтисодиёт вазирлиги ҳузуридаги Иқтисодий ночор корхоналар ишлари қўмитаси ўртасида давлат унитар корхоналари, устав фондида давлат улуши бўлган хўжалик жамиятлари, давлат улуши бўйича давлат бюджетига дивидендлар ҳисобланиши ва тушиши ҳақида маълумот алмашиш тартиби тўғрисидаги низом иловага* мувофиқ тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган пайтдан бошлаб ўн кун ўтгандан сўнг кучга киради.

*) Илова рус тилидаги матнда берилган.

"Ўзбекистон Республикаси қонун ҳужжатлари тўплами", 2005 йил, 10-11-сон, 82-модда.