ЎзР Қонунлари

Тошкент шаҳар ҳокимининг 31.12.2014 й. 1079-сон "Тошкент шаҳридаги давлат кўчмас мулкидан фойдаланганлик учун 2015 йилда қўлланиладиган ижара тўловининг энг кам ставкалари ҳақида"ги Қарори

Ҳужжатнинг тўлиқ матни nrm.uz сайтида пуллик тариф фойдаланувчилари учун мавжуд. Саволлар бўйича 1172 қисқа рақамига қўнғироқ қилинг.

ТОШКЕНТ ШАҲАР ҲОКИМИНИНГ

ҚАРОРИ

31.12.2014 й.

N 1079

ТОШКЕНТ ШАҲРИДАГИ ДАВЛАТ

КЎЧМАС МУЛКИДАН ФОЙДАЛАНГАНЛИК

УЧУН 2015 ЙИЛДА ҚЎЛЛАНИЛАДИГАН ИЖАРА

ТЎЛОВИНИНГ ЭНГ КАМ СТАВКАЛАРИ ҲАҚИДА

"Маҳаллий давлат ҳокимияти тўғрисида"ги Ўзбекистон Республикасининг Қонуни (Ўзбекистон Республикаси Олий Кенгашининг Ахборономаси, 1993 й., 9-сон, 320-модда) 25-моддаси, Ўзбекистон Республикаси Вазирлар Маҳкамасининг 2009 йил 8 апрелдаги "Давлат мулкини ижарага бериш тартибини такомиллаштириш чора-тадбирлари тўғрисида"ги 102-сон қ арори ("Ўзбекистон Республикаси қонун ҳужжатлари тўплами", 2009 йил, 15-сон, 186-модда), Тошкент шаҳар ҳокимининг 2014 йил 13 январдаги "Ер солиғи тўлаш ставкаси бўйича зона чегераларининг схемаси ва таърифларини тасдиқлаш ҳақида"ги 41-сонли қ арори ҳамда Ўзбекистон Республикаси Иқтисодиёт вазирлигининг 2014 йил 23 декабрдаги 82-сонли, Молия вазирлигининг 2014 йил 23 декабрдаги БЮ/08-03-32-13/170-сонли, Хусусийлаштириш, монополиядан чиқариш ва рақобатни ривожлантириш давлат қўмитасининг 2014 йил 23 декабрдаги 227/01-14-сонли келишув хатлари ҳамда Хусусийлаштириш, монополиядан чиқариш ва рақобатни ривожлантириш давлат қўмитасининг 2014 йил 23 декабрдаги 227/01-14-сонли хатини инобатга олиб,

ҚАРОР ҚИЛАМАН:

1. Тошкент шаҳридаги давлат кўчмас мулкидан фойдаланганлик учун 2015 йилда қўлланиладиган ижара тўловининг энг кам ставкалари 1-иловага;

Ижара тўловини (ижара тўловининг таянч ставкасини) ҳисоблаб чиқиш тартиби ва қўлланадиган коэффициентлар 2-иловага;

Тошкент шаҳридаги марказий қатнов кўчалари рўйхати 3-иловага мувофиқ тасдиқлансин.

2. "Тошкент шаҳар давлат мулкини ижарага бериш маркази" давлат корхонаси (А. Юсупов):

давлат мулкини ижарага бериш юзасидан давлат мулкини балансда сақловчи корхоналар, ташкилотлар ва муассасалар билан илгари тузилган шартномаларни хатловдан ўтказиш, уларни ҳисобга қўйиш ва шартномаларни белгиланган тартибда қайта расмийлаштиришни таъминласин;

"Ўзбекистон Республикаси Вазирлар Маҳкамасининг "Давлат мулкини ижарага бериш тартибини такомиллаштириш чора-тадбирлари тўғрисида"ги 2009 йил 8 апрелдаги 102-сон қарорининг 3-1-бандига мувофиқ, давлат мулки бўлган бинолар ва хоналарда жойлашган бюджет ташкилотлари учун ижара тўловининг "ноль" ставкаси қўлланилиши белгиланганлиги инобатга олинсин.

3. Белгилансинки, давлат мулкини балансида сақловчиларнинг мансабдор шахслари уларнинг тасарруфида бўлган фойдаланилмаётган давлат мулки тўғрисидаги маълумотлар "Тошкент шаҳар давлат мулкини ижарага бериш маркази" давлат корхонасига ўз вақтида, тўлиқ ва ишончли берилиши учун шахсан жавоб берадилар.

4. Тошкент шаҳар ҳокимлиги Ахборот хизмати (Х. Эрматов), "Тошкент оқшоми" ва "Вечерний Ташкент" газеталари таҳририяти (А. Акромов): мазкур қарор расмий эълон қилинсин ва www.toshkent.uz веб-сайтига жойлаштирилсин.

5. Мазкур қарор қабул қилиниши муносабати билан Тошкент шаҳар ҳокимининг 2014 йил 14 январдаги 48-сонли қ арори ўз кучини йўқотган деб ҳисоблансин.

6. Мазкур қарор расмий эълон қилинган кундан бошлаб кучга киради.

7. Мазкур қарорнинг бажарилиши назорати Тошкент шаҳар ҳокимининг биринчи ўринбосари Б. Рахмонов зиммасига юклансин.

Тошкент шаҳар ҳокими Р. Усманов

Тошкент шаҳар ҳокимининг

2014 йил 31 декабрдаги

1079-сон қарорига

1-ИЛОВА

Тошкент шаҳридаги давлат кўчмас мулкидан

фойдаланганлик учун 2015 йилда қўлланиладиган

ижара тўловининг энг кам ставкалари

Т/р	Фаолият тури коди (ХТУТ)	Ижарага берилаётган майдонлардан фойдаланиш мақсадлари	Бир йиллик энг кам ставкаси 1 кв.м (сўм)
САНОАТ
1.	11 200	Ёқилғи саноати	3 100
2.	13 100	Кимё саноати	3 100
3.	13 300	Нефт-кимё саноати	3 100
4.	14 100	Машинасозлик	3 100
5.	14 200	Станоклар ясаш ва асбобсозлик саноати	3 100
6.	14 300	Ҳисоблаш техника воситалари саноати	3 100
7.	14 400	Трактор ва қишлоқ хўжалиги машинасозлиги	2 500
8.	14 500	Қурилиш, йўл ва коммунал машинасозлиги	2 500
9.	14 600	Енгил ва озиқ-овқат саноати ва маиший асбоблар машинасозлиги	2 500
10.	14 710	Санитар-техник ва газ жиҳозлари ва маҳсулотларини ишлаб чиқариш	3 100
11.	14 800	Металл конструкцияларини ва жиҳозларини ишлаб чиқариш	3 100
12.	14 900	Машина ва жиҳозларни таъмирлаш	3 100
13.	14 780	Машинасозликнинг бошқа тармоқлари	3 100
ЎРМОНЧИЛИК, ЁҒОЧНИ ҚАЙТА ИШЛАШ ВА ЦЕЛЛЮЛОЗА-ҚОҒОЗ САНОАТИ
14.	15 100	Ёғоч тайёрлаш саноати	3 100
15.	15 200	Ёғочни қайта ишлаш саноати	3 100
16.	15 300	Целлюлоза-қоғоз саноати	3 100
17.	16 100	Қурилиш материаллари саноати	3 100
ЕНГИЛ САНОАТ
18.	17 100	Тўқимачилик саноати	3 100
19.	17 200	Тикувчилик саноати	3 100
20.	17 300	Тери, мўйна ва пойафзал саноати	3 100
21.	17 900	Енгил саноатнинг бошқа ишлаб чиқариш тармоқлари	3 100
ОЗИҚ-ОВҚАТ САНОАТИ
22.	18 100	Озиқ-овқат таъми саноати (балиқ, гўшт, ёғ-пишлоқ ва сут саноатидан ташқари)	3 100
23.	18 200	Гўшт ва сут саноати	3 100
24.	18 300	Балиқчилик саноати	3 100
25.	19 200	Ун-ёрма саноати	3 100
26.	19 220	Комбикорм саноати	2 500
27.	19 700	Саноатнинг бошқа тармоқлари	3 100
САНОАТНИНГ БОШҚА ТАРМОҚЛАРИ
28.	19 300	Тиббиёт асбоблари саноати	3 100
29.	19 400	Полиграфия саноати	10 100
30.	19 740	Кимёвий тозалаш, бўяш, кирни ва бошқа газлама маҳсулотларини ювиш ва қайта ишлаш	7 500
31.	19 900	Саноатда хўжалик бошқаруви	10 100
ҚИШЛОҚ ХЎЖАЛИГИ
32.	21 100	Ўсимликшунослик (жумладан иссиқхона хўжалиги) 1 га	2 015 000
33.	21 200	Чорвачилик	2 500
34.	21 300	Балиқ етиштириш (шу жумладан, сунъий етиштириш ҳавзалари) 1 га	2 015 000
35.	22 200	Ветеринария хизмати	3 100
36.	23 300	Қишлоқ хўжалигига хизмат кўрсатувчи бошқа ташкилотлар	3 100
37.	30 000	Ўрмон хўжалиги (шу жумладан, боғлар) 1 га	2 015 0000
ТРАНСПОРТ ВА АЛОҚА
38.	51 111	Оммавий ер усти темир йўл транспорти воситалари	8 150
39.	51 121	Транспорт инфраструктураси (автопарк, таксопарк, автомобиллар тўхташ жойи, гаражлар, автомобиллар ювиш шохобчалари)	8 150
40.	51 121	Транспорт инфраструктураси (жарима майдончалари)	2 050
41.	51 520	Аҳоли буюртмасига кўра юкларни ташиш ва бошқа транспорт хизматларини кўрсатиш	7 500
42.	52 100	Почта алоқаси	6 850
43.	52 200	Курьер алоқаси	8 150
44.	52 300	Симли электр алоқаси	8 150
45.	52 300	Электр, радио, уяли ва пейжинг алоқаси	26 500
ҚУРИЛИШ
46.	60 000	Қурилиш	6 250
47.	66 000	Лойиҳа, лойиҳа-қидирув ташкилотлари	6 250
САВДО ВА УМУМИЙ ОВҚАТЛАНИШ
48.	71 100	Улгуржи савдо	12 600
49.	71 130	Маълум миқдорда молларни сотиш (хизмат кўрсатиш) фаолиятини олиб борувчи улгуржи бозорлар	30 200
50.	71 200	Чакана савдо	18 850
51.	71 300	Умумий овқатланиш	12 600
52.	71 200	Китоб дўконлари	1 200
53.	71 400	Маданий-маиший мақсадларда ва хўжалик мақсадларида ишлатиладиган буюмларни ижарага бериш	12 600
54.	71 500	Халқ истеъмоли моллари савдосида воситачилик	18 850
55.	80 000	Моддий техника таъминоти ва савдоси	13 800
56.	82 000	Информацион-ҳисоблаш бўйича хизматлар кўрсатиш	13 800
57.	82 100	Интернет ва компьютер тармоғи бўйича хизматлар кўрсатиш	13 800
58.	83 000	Кўчмас мулк билан операцияларни амалга ошириш	13 800
59.	84 300	Реклама, вакиллик хизматлари	12 600
60.	84 400	Аудиторлик фаолияти	12 600
61.	84 500	Маркетинг тадқиқот, тижорат, молия ва бошқарув масалалари бўйича маслаҳат хизматлари	12 600
62.	85 000	Ер ости геологияси ва қидирув ишлари, геодезия ва гидрометереология хизмати	18 850
63.	87 100	Таҳририят ва нашриётлар	6 900
64.	87 300	Металлолом ва иккиламчи хом ашёни йиғиш ва тайёрлаш	6 900
65.	90 100	Уй-жой хўжалиги (ХУЖМШ объектлари)	6 900
66.	90 220	Меҳмонхона хўжалиги	13 800
67.	90 300	Аҳолига маиший хизмат кўрсатишнинг ноишлаб чиқариш турлари	7 550
68.	90 300	Сартарошхона, суратхона, модалар ательеси, пойафзал тузатиш	10 050
69.	90 300	Ломбардлар	15 100
70.	90 300	Ҳаммомлар	21 500
71.		Сауна ва бассейнлар	44 000
СОҒЛИҚНИ САҚЛАШ, ЖИСМОНИЙ ТАРБИЯ ВА ИЖТИМОИЙ ТАЪМИНОТ
72.	91 510	Соғлиқни сақлаш	10 050
73.	91 600	Дам олиш ва туризм	10 050
74.	91 611	Маданий кўнгилочар марказлари (билярдхона, ўйин автоматлари, дискотекалар ва шу кабилар)	13 800
75.	91 700	Жисмоний тарбия ва спорт	4 350
76.	71 212	Дорихона муассасалари, оптика ва тиббиёт жиҳозлари савдо дўконлари	10 050
МАЪОРИФ
77.	92 100	Юқори ва ўрта таълим бўйича кадрларни тайёрлаш (шу жумладан, ўқув курслари)	8 800
78.	92 200	Ишчи ва бошқа хизматчиларни тайёрлаш ва малакасини ошириш	7 550
79.	92 310	Умумтаълим болалар мактаби (нодавлат таълим муассасалари учун)	3 750
80.		Таълим ўқув муассасаларида умумий овқатланишни ташкиллаштириш	4 800
81.	92 400	Мактабгача тарбия (нодавлат таълим муассасалари учун)	3 750
82.	93 000	Маданият ва санъат	17 600
83.	93 132	Кўргазмалар	10 050
84.	93 145	Мактабдан ташқари тарбия	3 750
85.	93 160	Маданий ва дам олиш боғлари	8 800
86.	93 170	Ботаника ва ҳайвонот боғлари	8 800
87.	93 180	Телевидение ва радиоузатиш редакциялари	8 800
88.	93 620	Киностудиялар ва овоз ёзиш студиялари	31 500
89.	95 000	Илм-фан ва илм-фан хизматлари	6 250
МОЛИЯ-КРЕДИТ ФАОЛИЯТИ
90.	96 000	Молия, кредит (суғурталаш ва аудиторлик фаолиятидан ташқари) нафақа таъминоти	12 600
91.	96 100	Банк фаолияти	18 850
ФАОЛИЯТНИНГ БОШҚА ТУРЛАРИ
92.	96 200	Суғурталаш	12 600
93.	97 800	Суд ва ҳуқуқий хизматлар	8 800
94.	97 820	Адвокатлар коллегияси ва ҳуқуқий маслаҳатхоналари	8 800
95.	98 000	Жамоат бирлашмалари идораси	3 100
96.	80 200	Омборхоналар	12 600
97.		Давлат ташкилотлари учун офис	6 250
98.		Хусусий ташкилотлар учун офис	21 400
99.		Автомобилларга ёқилғи қуйиш шохобчалари	12 600
100.		Енгил автомобиллар ва бошқа транспорт воситаларини таъмирлаш ва уларга техник хизмат кўрсатиш (шу жумладан, вулканизациялар)	12 600
101.		Лабораториялари	6 250
102.		Турли хизматлар учун ҳақ олиш (paynet)	31 500
103.		Маданий мерос бино ва иншоотларида чакана савдо	20 150
104.		Маданий мерос бино ва иншоотларида умумий овқатланиш	15 100
105.		Авиакассалар ( шу жумладан, темирйўл, транспорт ва бошқа)	20 150
106.		Банкоматлар	189 250
107.		Нон ва нон маҳсулотларини ишлаб чиқариш	12 600

*) Ўзбекистон Республикаси Вазирлар Маҳкамасининг 2009 йил 8 апрелдаги "Давлат мулкини ижарага бериш тартибини такомиллаштириш чора-тадбирлари тўғрисида"ги 102-сон қарори 3-1-бандига мувофиқ, давлат мулки бўлган бинолар ва хоналарда жойлашган бюджет ташкилотлари ҳамда Ўзбекистон Республикаси Вазирлар Маҳкамасининг 30.06.2009 й. 07/10-41-сон йиғилиш баёнининг 11-бандига мувофиқ мулк шаклидан қатъи назар, қишлоқ врачлик пунктларида ташкил этиладиган дорихоналарга давлат кўчмас мулкидан фойдаланганлик учун ижара тўловининг ноль ставкаси қўлланилади.

**) Ўзбекистон Республикаси Вазирлар Маҳкамасининг 2012 йил 22 ноябрдаги 07/10-41-сон баённомаси 11-бандига асосан, Ўзбекистон Республикаси Мудофаа вазирлиги, Савдо бошқармасининг таркибий бўлинмаларига ёпиқ ҳарбий шаҳарчалар, муассасалари ҳарбий қисмларидаги давлат кўчмас мулкидан фойдаланганлик учун ижара тўловининг "ноль" ставкалари қўлланилади

***) Ўзбекистон Республикаси Бош вазирининг 2013 йил 12 июндаги 02/02-1-74-сон топшириғига асосан, Ўзбекистон Республикаси Мудофаа вазирлиги спорт зали Ўзбекистон Республикаси Баскетбол федерациясининг ёзма мурожаатини инобатга олиб, ижарага берилишида давлат кўчмас мулкидан фойдаланганлик учун ижара тўловининг "ноль" ставкалари қўлланилади

****) Ўзбекистон Республикаси Вазирлар Маҳкамасининг 2013 йил 2 августдаги 02/107-118-сон топшириғига асосан, "Адолат" социал демократик партияси балансидаги Тошкент шаҳри, Чилонзор тумани, "Шарқ тонги" кўчаси, 23-уй манзилидаги бинода жойлаштирилган "Адолат" социал демократик партиясининг Тошкент шаҳар ва Тошкент вилояти Кенгашлари ҳамда "Адолат" ижтимоий-сиёсий газетаси таҳририяти учун 2013 йилнинг 15 июлидан бошлаб давлат кўчмас мулкидан фойдаланганлик учун ижара ҳақининг "ноль" ставкаси қўлланилади

*****) Ўзбекистон Республикаси Вазирлар Маҳкамасининг 2014 йил 24 июлдаги 02/107-2670-сонли топшириғига асосан, "Тадбиркор ва ишбилармонлар ҳаракати" ЎзЛиДеП партияси Тошкент шаҳри бўйича кенгашлари ҳамда "XXI asr" ижтимоий-сиёсий газетаси таҳририяти учун 2014 йилнинг 1 августидан бошлаб давлат кўчмас мулкидан фойдаланганлик учун ижара ҳақининг "ноль" ставкаси қўлланилади.

Тошкент шаҳар ҳокимининг

2014 йил 31 декабрдаги

1079-сон қарорига

2-ИЛОВА

Ижара тўловини (ижара тўловининг таянч ставкасини)

ҳисоблаб чиқиш тартиби ва қўлланадиган

коэффициентлар

Бинолар ва иншоотлар бўйича ижара тўловини (ижара тўловининг таянч ставкаси) ҳисоблаб чиқиш қуйидаги тарзда аниқланади:

Тс=Эс*Кз*(Кқ+Кҳ+Ко),

бунда:

Тс - бир йилга бир кв. метр учун ижара тўловининг таянч ставкаси;

Эс - бир йилга бир кв. метр учун энг кам ставка;

Кз - ҳудудий зона коэффициенти;

Кқ - қурилиш тури бўйича коэффициент (алоҳида турган бино, қўшимча қурилган бино, бинонинг юқори қисми, чердак, болохона, ярим ертўла, ертўла);

Кҳ - туташиб кетган ҳудуддан фойдаланиш коэффициенти;

Ко - тижорат мақсадларида фойдаланишда қулайлик коэффициенти (асосий автотранспорт йўллари бўйлаб жойлашиш, иккинчи даражали автотранспорт йўлларига чиқишда жойлашиш ва бошқалар).

Ижара ҳақи ставкаларига қўлланиладиган коэффициентлар:

1. Тошкент шаҳар ҳокимининг 2014 йил 13 январдаги "Ер солиғи тўлаш ставкаси бўйича зона чегераларининг схемаси ва таърифларини тасдиқлаш ҳақида"ги 41-сонли қ арорида белгиланган чегараларга асосан, ҳудудий зоналар коэффициентлари (Кз):

Зоналар	Қўлланиладиган коэффициентлар
1-зона	4,11
2-зона	3,31
3-зона	2,51
4-зона	1,71
5-зона	1,0

2. Бинонинг қурилиш тури бўйича коэффициентлар (Кқ):

Қурилиш тури	Қўлланиладиган коэффициентлар
алоҳида турган бино	1,0
бинонинг қисмида жойлашган ва/ёки тақаб қурилган	0,8
ярим ертўла, ертўла	0,6
чердак, болохона	0,5
реклама воситалари учун бино ва иншоотнинг фасад қисми	0,2

3. Туташиб кетган ҳудуддан фойдаланиш коэффициенти (Кҳ):

Қўлланиладиган

коэффициент

ер майдони мавжуд бўлганда

0,3

4. Тижорат мақсадида фойдаланишда қулайлик коэффициенти (Кт):

Қулайлик	Қўлланиладиган коэффициент
метро станциясидан 200 метр радиус оралиғида жойлашган	0,8
марказий қатнов кўчаларида жойлашган бино-иншоотлар	0,7
иккинчи даражали қатнов кўчаларида жойлашган	0,6

Тошкент шаҳар ҳокимининг

2014 йил 31 декабрдаги

1079-сон қарорига

3-ИЛОВА

Тошкент шаҳридаги марказий қатнов кўчалари

РЎЙХАТИ

1.	А. Чехов кўчаси	30.	Катта Хирмонтепа кўчаси	59.	Сағбон кўчаси
2.	Абдулла Қодирий кўчаси	31.	Кичик ҳалқа йўли кўчаси	60.	Самарқанд Дарвоза кўчаси
3.	Абдурауф Фитрат кўчаси	32.	Қорасарой кўчаси	61.	Себзор кўчаси
4.	Амир Темур шоҳ кўчаси	33.	Қорасув	62.	Содиқ Азимов кўчаси
5.	Асака кўчаси	34.	Қоратош кўчаси	63.	Талабалар кўчаси
6.	Афросиёб кўчаси	35.	Қумариқ кўчаси	64.	Тараққиёт кўчаси
7.	Аҳмад Дониш кўчаси	36.	Лабзак кўчаси	65.	Тарас Шевченко кўчаси
8.	Аэропорт ҳудуди	37.	Локомотив кўчаси	66.	Темур Малик кўчаси
9.	Беруний кўчаси	38.	Лутфий кўчаси	67.	Туркистон кўчаси
10.	Бешёғоч кўчаси	39.	Маннон Уйғур кўчаси	68.	Уста Ширин кўчаси
11.	Бешқайрағоч кўчаси	40.	Матбуотчилар кўчаси	69.	Ўзбекистон кўчаси
12.	Бобур кўчаси	41.	Мирзо Улуғбек кўчаси	70.	Фарғона йўли кўчаси
13.	Боғишамол кўчаси	42.	Миробод	71.	Фаробий кўчаси
14.	Бодомзор йўли кўчаси	43.	Муқимий кўчаси	72.	Фарҳод кўчаси
15.	Бунёдкор шоҳ кўчаси	44.	Мустақиллик майдони	73.	Фурқат кўчаси
16.	Бухоро кўчаси	45.	Мустақиллик шоҳ кўчаси	74.	Чилонзор кўчаси
17.	Буюк ипак йўли кўчаси	46.	Муҳаммад Юсуф кўчаси	75.	Чоштепа кўчаси
18.	Буюк Турон кўчаси	47.	Мухтор Ашрафий кўчаси	76.	Чўпонота кўчаси
19.	Гавҳар кўчаси	48.	Навоий кўчаси	77.	Шастри кўчаси
20.	Дархон кўчаси	49.	Назарбек кўчаси	78.	Шаҳрисабз кўчаси
21.	Зарафшон кўчаси	50.	Нукус кўчаси	79.	Шимолий Олмазор кўчаси
22.	Заргарлик кўчаси	51.	Нурафшон кўчаси	80.	Шота Руставели кўчаси
23.	Зарқайнар кўчаси	52.	Ойбек кўчаси	81.	Шўртепа кўчаси
24.	Зиё кўчаси	53.	Оққўрғон кўчаси	82.	Юнус Ражабий кўчаси
25.	Зулфияхоним кўчаси	54.	Оқтепа майдони	83.	Янги Сергели кўчаси
26.	Истиқбол кўчаси	55.	Олмазор кўчаси	84.	Янги Юнусобод кўчаси
27.	Истиқлол кўчаси	56.	Осиё кўчаси	85.	Янгишаҳар кўчаси
28.	Ифтихор кўчаси	57.	Паркент кўчаси	86.	Яҳё Ғуломов кўчаси
29.	Қатортол кўчаси	58.	Рашидов кўчаси