Ўзбекистон Республикаси Вазирлар Маҳкамасининг 05.06.2013 й. 156-сон "Олиб қўйилган ва давлат даромадига ўтказилган бойликлардан самарали фойдаланилишини таъминлаш чора-тадбирлари тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.06.2013 й.

N 156

ОЛИБ ҚЎЙИЛГАН ВА ДАВЛАТ ДАРОМАДИГА

ЎТКАЗИЛГАН БОЙЛИКЛАРДАН САМАРАЛИ

ФОЙДАЛАНИЛИШИНИ ТАЪМИНЛАШ

ЧОРА-ТАДБИРЛАРИ ТЎҒРИСИДА

[Кўчирма]

3. Ўзбекистон Республикаси Ҳукуматининг 1-иловага мувофиқ айрим қарорларига ўзгартириш ва қўшимчалар киритилсин.

Ўзбекистон Республикаси Президенти                                      И. Каримов

Вазирлар Маҳкамасининг

2013 йил 5 июндаги

156-сон қарорига

1-ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг "Айрим корхоналар ва мол-мулкни давлат тасарруфидан чиқариш ва хусусийлаштиришнинг баъзи масалалари тўғрисида" 1995 йил 4 декабрдаги 448-сон қарорига 3-иловадаги "Фонон" ИИЧБ" сўзлари "Фонон" ДИИЧК" сўзлари билан алмаштирилсин.

2. Вазирлар Маҳкамасининг "Қимматбаҳо металлар ва қимматбаҳо тошлар қўмитаси таркибидаги "Фонон" илмий-ишлаб чиқариш бирлашмасининг фаолияти масалалари тўғрисида" 1997 йил 24 декабрдаги 566-сон қарорида:

а) қарорнинг номи қуйидаги таҳрирда баён қилинсин:

"Фонон" давлат илмий-ишлаб чиқариш корхонасининг

фаолияти масалалари тўғрисида";

б) кириш қисмидаги "Фонон" илмий-ишлаб чиқариш бирлашмасининг" сўзлари "Фонон" давлат илмий-ишлаб чиқариш корхонасининг" сўзлари билан алмаштирилсин;

в) 2-банднинг биринчи хатбошисидаги "Фонон" илмий-ишлаб чиқариш бирлашмасига" сўзлари "Фонон" давлат илмий-ишлаб чиқариш корхонасига" сўзлари билан алмаштирилсин;

г) 3-банддаги ва 6-банднинг иккинчи хатбошисидаги "Фонон" илмий-ишлаб чиқариш бирлашмаси" ва "Фонон" илмий-ишлаб чиқариш бирлашмасига" сўзлари тегишли равишда "Фонон" давлат илмий-ишлаб чиқариш корхонаси" ҳамда "Фонон" давлат илмий-ишлаб чиқариш корхонасига" сўзлари билан алмаштирилсин;

д) 5-бандда:

иккинчи хатбоши қуйидаги таҳрирда баён қилинсин:

"Ўзбекистон Республикаси Марказий банки ҳузуридаги Қимматбаҳо металлар агентлиги томонидан экспертизадан ўтган заргарлик буюмларининг, қимматбаҳо металлар, қимматбаҳо ва ярим қимматбаҳо тошлар парчаларининг таъмирлаш ёки янги заргарлик буюмлари тайёрлаш учун белгиланган тартибда "Фонон" давлат илмий-ишлаб чиқариш корхонасига топширилишига";

учинчи хатбошидаги "Фонон" илмий-ишлаб чиқариш бирлашмасига" сўзлари "Фонон" давлат илмий-ишлаб чиқариш корхонасига" сўзлари билан алмаштирилсин;

бешинчи хатбошидаги "Қимматбаҳо металлар қўмитаси" сўзлари "Ўзбекистон Республикаси Марказий банки ҳузуридаги Қимматбаҳо металлар агентлиги" сўзлари билан алмаштирилсин.

3. Вазирлар Маҳкамасининг "Ярмарка савдосини ташкил этишни такомиллаштириш чора-тадбирлари тўғрисида" 2002 йил 13 ноябрдаги 391-сон қарорига (Ўзбекистон Республикаси ҚТ, 2002 й., 11-сон, 68-модда) 5-илованинг 16-бандидаги "Фонон" илмий-ишлаб чиқариш бирлашмаси" сўзлари "Фонон" давлат илмий-ишлаб чиқариш корхонаси" сўзлари билан алмаштирилсин.

4. Вазирлар Маҳкамасининг "Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартибини такомиллаштириш тўғрисида" 2009 йил 15 июлдаги 200-сон қарорига (Ўзбекистон Республикаси ҚТ, 2009 й., 7-сон, 56-модда) 1-иловада:

а) 5-банднинг учинчи хатбошиси қуйидаги таҳрирда баён қилинсин:

"Қимматбаҳо металлар ва қимматбаҳо тошлардан, ҳар қандай турдаги ва ҳолатдаги қимматбаҳо металлардан (олтин, кумуш, платина ва платина гуруҳидаги металлар - палладий, иридий, родий, рутений, осмий), қайта ишланмаган ва қайта ишланган табиий қимматбаҳо тошлардан (олмослар, бриллиантлар, ёқутлар, зумрадлар, сапфирлар, шунингдек табиий марварид), ярим қимматбаҳо тошлардан ясалган олиб қўйилган заргарлик маҳсулотларини, таркибида қимматбаҳо ва ярим қимматбаҳо тошлар, табиий марваридлар мавжуд бўлган маҳсулотларни (кейинги ўринларда қимматбаҳо металлар ва тошлар деб аталади) сақлаш учун Ўзбекистон Республикаси Марказий банки ҳузуридаги Қимматбаҳо металлар агентлигига берилади. Сақлаш учун махсус шарт-шароитларни талаб қиладиган бошқа мол-мулк (автотранспорт воситаси, дори воситалари ва ҳоказолар) сақлаш учун бинолар, майдончалар ва омборларга жойлаштирилиши мумкин";

в) 10-банднинг иккинчи хатбошиси қуйидаги таҳрирда баён қилинсин:

"Солиқ органлари давлат даромадига ўтказилиши керак бўлган, унга нисбатан олиб қўйиш тўғрисида қарор қабул қилинган мол-мулк ҳисобини олиб қўйилган қимматбаҳо металлар ва тошларни алоҳида сатрда ажратган ҳолда уни сотишдан пул маблағлари тушишигача ёки мол-мулк йўқ қилиб ташлангунгача юритадилар";

г) 15-бандга қуйидаги мазмундаги хатбоши қўшилсин:

"Суд ижрочиси тасарруфига ўтадиган қимматбаҳо металлар ва тошларнинг рўйхатини тузишда, қимматбаҳо металлар ва тошларни суд ижрочисига бериш санасида уларнинг қийматини қайта баҳолаш амалга оширилади. Қайта баҳолаш Ўзбекистон Республикаси Молия вазирлиги билан келишган ҳолда Қимматбаҳо металлар агентлиги томонидан ишлаб чиқиладиган ва тасдиқланадиган шкала бўйича ички бозорда олиб қўйилган ва давлат даромадига ўтказилган қимматбаҳо металлар ва тошлар қийматини ҳисобга олган ҳолда амалга оширилади. Қайта баҳолаш суд ижрочилари, Ўзбекистон Республикаси Марказий банки ҳузуридаги Қимматбаҳо металлар агентлигининг Давлат асиллик даражасини белгилаш палатаси, солиқ ва молия органлари вакилларининг мажбурий иштирокида қимматбаҳо буюмлар қийматини қайта баҳолаш далолатномасини тузган ҳолда ўн кун муддатда амалга оширилади. Қайта баҳоланган қийматдан суд ижрочиси қимматбаҳо металлар ва тошларни сотиш юзасидан шартномалар тузиш учун фойдаланади";

д) 16-банднинг биринчи хатбошиси биринчи жумласидаги "мол-мулк" сўзларидан кейин "(қимматбаҳо металлар ва тошлардан ташқари)" сўзлари қўшилсин;

е) 18-банднинг олтинчи хатбошисидаги "заргарлик буюмлари" сўзлари "қимматбаҳо металлар ва тошлар" сўзлари билан алмаштирилсин;

ж) 21-банднинг биринчи хатбошиси биринчи жумласидаги "мол-мулкка" сўзларидан кейин "(нархи пасайтирилмайдиган қимматбаҳо металлар ва қимматбаҳо тошлардан ясалган давлат даромадига ўтказилган заргарлик буюмларидан ташқари)" сўзлари қўшилсин;

з) 23-банд қуйидаги таҳрирда баён қилинсин:

"23. Давлат даромадига ўтказилган қимматбаҳо металлар ва қимматбаҳо тошлардан ясалган заргарлик буюмлари уларни сотиш ҳуқуқига эга бўлган ихтисослаштирилган савдо корхоналари орқали сотилади.

Давлат даромадига ўтказилган қўшимча реставрация қилиш талаб қилинадиган қимматбаҳо металлар ва қимматбаҳо тошлар қимматбаҳо металлар ва қимматбаҳо тошлардан заргарлик буюмлари тайёрлайдиган ихтисослаштирилган давлат корхоналари томонидан сотилади";

и) 28-бандда:

"мол-мулк" сўзларидан кейин "(таркибида қимматбаҳо металлар ва тошлар бўлганларидан ташқари)" сўзлари қўшилсин;

қуйидаги мазмундаги хатбоши қўшилсин:

"Давлат даромадига ўтказилган, тарихий, илмий, бадиий ва бошқа маданий қимматга эга бўлган мол-мулк Ўзбекистон Республикаси Марказий банки ҳузуридаги Қимматбаҳо металлар агентлигига масъулиятли сақлашга текин берилади";

к) 38-банддаги "шакл бўйича" сўзларидан кейин "(давлат даромадига ўтказиладиган қимматбаҳо металлар ва тошларни алоҳида сатрда ажратган ҳолда)" сўзлари қўшилсин";

л) 62-банднинг иккинчи хатбошиси "келишилган ҳолда" сўзларидан кейин "алоҳида сатрда қимматбаҳо металлар ва тошларни ажратган ҳолда" сўзлари қўшилсин;

м) 63-банддаги "белгиланган шаклда" сўзларидан кейин "қимматбаҳо металлар ва тошларни алоҳида сатрда ажратган ҳолда" сўзлари қўшилсин.

"Ўзбекистон Республикаси қонун ҳужжатлари тўплами",

2013 йил 10 июнь, 23-сон, 304-модда